Täze ýyl

TÄZE ÝYL

Gyrawlapdyr gara zülpi gözelleň,
Gar basypdyr daglaryňam kemendin.
Görüp, küregenläp ýagýan ak gary,
Çagajyk deý ýüregimden begendim.

Bu günümiz - ertämiziň myrady,
Bu günki gün ertir meniň geçmişim.
Gök arçanyň, bol nygmatyň başynda,
Gel, seň bilen hoşlalaşy ýetmişim!

Dünýämize dynçlyk berip täze ýyl, -
Aşyk ýigdi magşugyna gowşursyn.
Şahyrlaň ylhamam daglardan inen,
Bahar bulagy deý dynman möwç ursun.

Kiçi-ula unutmasyn salamyn,
Goňşy gelip goňşusynda çaýlasyn...
Hezzet-hormat bilen garşylan ýylym,
Her göwüniň öz yrsgalyn paýlasyn.

Öwezdurdy NEPESOW.

"Edebiýat we sungat" gazeti, 01.01.1971 ý.