23:12

Remezan

REMEZAN

Sende Gökden yşk-nur ýagar,
Adam kowmy başyn eger,
Biraz kirlän bolsa, eger,
Kalby päklärsiň, Remezan!

Sen gorarsyň -- gaýdan, ýelden,
Sen gorarsyň -- ýaman dilden,
Ynsap giden bolsa elden,
Kalby päklärsiň, Remezan!

Garatmawer, gaty gapa!
Adam golaý barýar hapa,
Goýberilen bolsa hata,
Kalby päklärsiň, Remezan!

Bolunsa yşkdan perwana,
Diýilmez, "Ol bir diwana!",
Şek ýetse genji imana,
Kalby päklärsiň, Remezan!

Kän-ä, adama gerek zat,
Gybatyn etmek -- gahat zat,
Ýalňyşman bilmez adamzat,
Kalby päklärsiň, Remezan!

Kalbym dertden oýum-oýum,
Ýöne halas edýär öýüm,
Hallan atsa pikir-oýum,
Kalby päklärsiň, Remezan!
Категория: Goşgular | Просмотров: 301 | Добавил: Haweran | Теги: Ogultäç Oraztaganowа | Рейтинг: 5.0/1
Awtoryň başga makalalary

Goşgular bölümiň başga makalalary

Erjellik / Goşgular - 05.01.2024
Göreş / Goşgular - 11.02.2024
Sowuk söz / Goşgular - 31.01.2024
Gowy görülen goşgy / Goşgular - 05.01.2024
Was-wasylara... / Goşgular - 23.01.2024
Rubagylar / Goşgular - 13.01.2024
Salam, Türkmenistan! / Goşgular - 01.01.2024
Sumbaryñ kenarynda / Goşgular - 01.01.2024
Nädip ýaşamaly?! / Goşgular - 13.01.2024
Dostluk hakda / Goşgular - 18.02.2024

Teswirleriň ählisi: 3
0
1 Garayolly25  
1449
Liriki gahryman bütün süňi bilen Remezan ygtykadyna berilýär. Durmuşdaky real ýaşaýyşda betpygyl täsirleriň ýaňy bilen gulagy kamata gelen adam her ýyl bir ret ýalkym saçýan Remezan nurundan bähre almaga çalyşýar. Ynsan ýoknasyz garyndylara garylan kalbyny tämizlemäge ymtylýar. Gönezligi ylahy gözellikden bina bolan Remezan adamzadyň päklik simwoly bolup durýar. Ogultäç uýamyz kalp arassalygynyň derwaýyslyklaryny şygryň durkuna siňdirip bilipdir. Ogultäç Oraztaganowanyň köňül matlaby eseriň içini~daşyny bezäpdir. Berekella!

0
2 Garayolly25  
1449
***bütün süňňi bilen***

0
3 Gerceknazar96  
1464
Diňe refren bolup "Kalby päklärsiň, Remezan" bolup gidýär. Emma ony her bentde üýtgeden bolsaň hasam owadan bolardy.

Teswiri diňe saýta agza bolan ulanjylar goşup bilýär.
[ Agza bol | Saýta gir ]