Главная » 2020 » Iýul » 29 » Aýbym ýok
18:16

Aýbym ýok

AÝBYM ÝOK

Men bir göni gelen jeren,
Gözümden başga aýbym ýok.
Ile aýdyp bilmän ýören
Sözümden başga aýbym ýok.

Üstüne zat goýulmadyk,
Kül boluban sowrulmadyk,
Köräp oda öwrülmedik,
Közümden başga aýbym ýok.

Akar suwda sep bolarmy?
Warsakydan gep bolarmy?
Ajaýyp zat köp bolarmy?
Azymdan başga aýbym ýok.

Içim hümletdim, il eşitdi,
Syrymy pişme dek seçdi,
Ömrüm-ýagmyr ýaşyn saçdy –
Ýazymdan başga aýbym ýok.

Ýaş sahyr men, ýetdim ellä,
Meşhur boljakdym şu pillä,
Nä ýazygy bar mähelläň?!
Özümden başga aýbym ýok.

Men bir göni gelen keýik
Gözümden başga aýbym ýok.
Aýdyp ýetişmejek beýik
Sözümden başga aýbym ýok.

Gurbandurdy ORAZOW.

Категория: Goşgular | Просмотров: 409 | Добавил: Gurgencli | Теги: Gurbandurdy Orazow | Рейтинг: 5.0/1
Awtoryň başga makalalary

Goşgular bölümiň başga makalalary

√ Lenç edilen nakyl / Goşgular - 05.02.2024
√ At galar / Goşgular - 11.02.2024
√ "Gelin jan..." / Goşgular - 26.03.2024
√ Erjellik / Goşgular - 05.01.2024
√ Gowy görülen goşgy / Goşgular - 05.01.2024
√ Was-wasylara... / Goşgular - 23.01.2024
√ Kyrk ýaşa ýüzlenme / Goşgular - 03.02.2024
√ Alabahar / Goşgular - 21.03.2024
√ Garyp köñlümiñ soltany / Goşgular - 21.02.2024
√ Goltugy daşly adam / Goşgular - 05.01.2024

Teswirleriň ählisi: 10
0
1 Gurgencli  
324
Hudaýa şükür goýuldy smile

0
2 Pegas  
98
Gurbandurdy agaň "Halymga" goşgusyny okaýşyny diňlän bolsa, Magtymgulynyň özi hem haýran galardy. smile Owadan okaýar.

0
3 Gurgencli  
324
Men diňläp görmändirin. Internetden tapyp bolarmyka Sapa dost?

0
5 Pegas  
98
Tapyp bolmaz. Meň diktofonymdan tapyp bolar smile

0
6 Gurgencli  
324
Özüň ýazdyrdyňmy? tüweleme Gurbandurdy agany tanaýaňda diýmek. Nete ýükleda diňlejek köp bolar

0
7 Pegas  
98
Hawa, gatnaşýan ýaşulymyz. 1-2 gezek öýe hem myhman bolupdy. Aşgabada barsam, diňe anekdotlaryny eşitmek üçinem gumdaky öýüne baryp gaýdýas. Goşmaça maglumat: ýaşulyň eli hem süýji)))

0
8 Gurgencli  
324
Sataşsaň meň adymdan salam aýdarsyňda, "Köneürgençli okyjyň salam aýtdy" diý haýyş. Goşgularyny örän halaýan

0
9 Pegas  
98
Nesip bolsa)

0
4 Gurgencli  
324
Gurbandurdy agaň özem ussatlarça ýazýar, ýöne nämüçindir arzuw edýän meşhurlygyna ýetip bilmändir. Köp goşgusy gynançly

0
10 Palitra  
199
Gowy goşgy.

Teswiri diňe saýta agza bolan ulanjylar goşup bilýär.
[ Agza bol | Saýta gir ]