22:19

Aýt

AÝT

Kaka, kararsyz men soňky wagtlar,
Gijä galmak endigimden ýadadym.
Biraz durmuş tow beripdir — bekeşýän.
Öňler-ä, bilýänsiň, gaty sadadym.
"Ýadadym" diýmäge baranok dilim,
Şadyýan bolmaga synanýan diňe.
Öňler Gün doguşyn synlardym säher,
Soňky günler imrindim-de iňrige,
Göwnüme sygdyryp bilmediklerim
Bir seniň öňüňde açasym gelýär.
Ynan, ähli zady taşlap käwagt,
Hatda, wagtdanam gaçasym gelýär.
Uçasym gelýär meň uzak bir ýere,
Men bagtly bolmaryn gülenim bilen.
Gitmek bilen gutarmaýar ähli zat,
Durmuş başlamandy gelenim bilen.

Gülnar GELDIMYRADOWA.
Категория: Goşgular | Просмотров: 412 | Добавил: Tumarly | Теги: Gülnar Geldimyradowa | Рейтинг: 5.0/5
Awtoryň başga makalalary

Goşgular bölümiň başga makalalary

Suwdan ot çykaran goşgy / Goşgular - 31.01.2024
Şert / Goşgular - 09.02.2024
Nädip ýaşamaly?! / Goşgular - 13.01.2024
Tazy / Goşgular - 30.01.2024
"Gelin jan..." / Goşgular - 26.03.2024
Estagfurullaly bentler / Goşgular - 14.02.2024
Käbir aýallara melek diýýäñiz / Goşgular - 04.02.2024
Gije hem gündiz / Goşgular - 07.02.2024
Lenç edilen nakyl / Goşgular - 05.02.2024
Gowy görülen goşgy / Goşgular - 05.01.2024

Teswirleriň ählisi: 2
0
1 Revo  
484
"Gitmek bilen gutarmaýar ähli zat,
Durmuş başlamandy gelenim bilen."

Güýçli jemleme. Gowy goşgy. Berekella...

0
2 permanh2206  
960
Manyly we gowy goşgy. Paýlaşyp duruñ.

Teswiri diňe saýta agza bolan ulanjylar goşup bilýär.
[ Agza bol | Saýta gir ]