Baga aşyk bagban bolsañ,
Eliñdäki paltañ näme?
Halal bolsa iýýän nanyñ
Bukup ýören haltañ näme?
Erkimde bägüliñ müşki
Ýüzümde Tañrynyñ yşky,
Eziz bolsa göwün köşgi,
Basyp ýören kültäñ näme?
Soñy boş tupan-silleriñ,
Deñi däl joşly Nilleriñ,
Dür dökýän bolsa dilleriñ
Zäher daman peltäñ näme?
* * *
Nämä gerek ýandym diýmek
Uçgun ýokka ýüregimde?!
Allanäme ýazgydym bar,
Özge täleý geregem dä
Öz göwnümden uly menzil
Garaşyp dur geljegimde.
Biynjalyk etmesin meni
Şol maksada degjegim-de.
Herne Ýer şary togalak
"Atylan daş "aýlanyp dur.
Meniñ çyrçykly ykbalym
Ykballardan saýlanyp dur.
Gülnabat HURŞIDOWA.
|