Bagbanym

BAGBANYM

Yhlas bilen ýetişdiren bäş gülüň,
Ynha, indi gunça düwüp başlady.
Seň öňüňde egik mydam, bagbanym,
Bu gülleriň Göge ýeten başlary.

Arzuwlaryň ýyldyzlardan kändi, wah,
Biri paşsa, üç-dördüsi paşmady.
Çeken yhlasyňa kepil deý göýä,
Ýyllar maňlaýyňy çyzyp taşlady.

Duýman galdyň ýyllaň ylgap geçenin,
Tüm saçyňda säher oýanýar kem-kem.
Kysmat senden çetleşdirse-de bizi,
Barybir, öňki deý bolarys hemdem.

Şonuň üçin darykmagyn ümür deý,
Ýollarymy ýollaryna baglanym!
Bu baglardan özge baga göçsek-de,
Yhlasyňdan göçmeris biz, bagbanym!