Baglylyk

BAGLYLYK

Owunjak zatlara edemok kine,
Sähel zada welin şeýle begenýän.
Daglary sarsdyrýan begenjim bilen,
Ýüregimiň agyrsyny aýyrýan.

Şükür, özgelerden bolmadym müňkür,
Ilim-günüm bilen ýylyndym gaýta,
Özgeler hakdaky aladalarmy,
Şu gün etjek boldum, goýmadym ertä.

Deň ýörejek boldum özgeler bilen,
Il deňinde boldum, bolmadym garşy.
Şaýat boldy meniň aýak sesime
Ýüregmiň her demde gürsüldäp urşy.

Il-halkymyň begenjine begendim,
Her sözden ýüregme aldym teselli.
Baglydygyn duýdum ata ýurduma
Ýüregmiň iň soňky urşuna çenli.

(2006-njy)

Goçmyrat ORAZBERDIÝEW