19:17 Bitarap ýurt - eziz diýar | |
BITARAP ÝURT - EZIZ DIÝAR Şükür bu gün täleýiňde bir zerewşan gün dogupdyr, Ylhamlanan topragyňda bereketden nur çogupdyr, Beýiklige inen dünýäň älem içre ýaň salypdyr, Owazyna dünýe aşyk, soňlanmajak aýdymym sen, Bitarap ýurt eziz diýar köňle çitmiş öýdümim sen. Ýeňişlere ýetişensiň gama çökmän göreşipler, Bu günleriň döwranyna umyt bolup garaşyplar, Ebedilik keremligiň durar ömre ýaraşyplar, Deňäp seni barlygyma janym diýip söýdügim sen, Bitarap ýurt eziz diýar baky tagzym diýdigim sen. Pederleriň är gaýraty ruhyň bolup galkynmyşam, Gursagyňdan mähir alyp, munda ýazlar tolkunmyşam, Togabyňa sygan iller Biribardan ýalkanmyşam, Iki dünýe belent başym seždesine goýdugym sen, Bitarap ýurt eziz diýar kerem saýyp uýdugym sen. Serwerligiň bu barlygyň çal başyna nur otaga, Beýik yşgyň bolup dolmuş gül çeçekler bu gujaga, Baky bagty sende duýan ömürler saňa sadaga, Synmazlygyň mukamyny kalba salan baýdagym sen, Bitarap ýurt, eziz diýar ylham bolup gaýdygym sen. Togabyňda bu nesiller şan beripler döwranyňa, Lemmerlenip arşyň yşgy baky gelmiş seýranyňa, Beýik Hakyň medetinden wysal gonmuş eýýamyňa, Erkinligiň nurly demin giň törlere çaýdygym sen, Bitarap ýurt eziz diýar ak bagta deň saýdygym sen. Ýalkanansyň ýagşylykda, aşyk bola röwşenlige, Täleýiňde gördüm uçmah, gözüm düşdi gülşenlige, Öwrüliban eýýamlarda çyn gudrata gowşan güne, Zemin içre yşk badasyn ýüreklere guýdugym sen, Bitarap ýurt eziz diýar alkyş donun geýdigim sen. Baglaryň öwsüp zerewşan, daglaryň arşy boýlamyş, Mähirde ýylgyran günleň, köňlüňi dünýä aýlamyş, Joşgunyňa siňen guşlar owazda waspyň söýlemiş, Uşbu säher oýanyplar Haka alkyş aýdanym sen, Bitarap ýurt eziz diýar topragna baş goýdugym sen. Keramatda görmüşem men döreýşiňi hem aslyňy, Ylhamlara gözbaş eýleý gülüp gelen her paslyňy, Ah, bir ömür az görüner söýlemäge seň waspyňy, Gola alan galamymdan beýik hikmet duýdugym sen, Bitarap ýurt eziz diýar jandan zyýat saýdygym sen! Aknur ROZYÝEWA. | |
|
√ Tazy / Goşgular - 30.01.2024 |
√ Kyrk ýaşa ýüzlenme / Goşgular - 03.02.2024 |
√ Soltan / Goşgular - 27.03.2024 |
√ Meniñ monologym / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ Täjir tanşyma / Goşgular - 16.01.2024 |
√ Suwdan ot çykaran goşgy / Goşgular - 31.01.2024 |
√ Sumbaryñ kenarynda / Goşgular - 01.01.2024 |
√ Ynanarmykan? / Goşgular - 30.01.2024 |
√ Ak buýnuzly ak maral / Goşgular - 01.01.2024 |
Teswirleriň ählisi: 0 | |