Bitaraplyk - çüwen bagty türkmeniñ

BITARAPLYK – ÇÜWEN BAGTY TÜRKMENIÑ

Bitaraplyk – çüwen bagty türkmeniň,
Oňa Huda pata bermiş owaldan.
Taryhy şöhratly, ýagty türkmeniň,
Aslyny alandyr gadym Oguzdan.

Bitaraplyk – çüwen bagty türkmeniň,
Ykbalyna ornan zerden şuglasy.
Dünýäsi deý sada göwün türkmenim,
Bu güne siňdirdi nije yhlasy.

Bitaraplyk – çüwen bagty türkmeniň,
Ýollary dowamly zerewşan bu gün.
Arkadag adymyz Arşa ýetirdi
Beýik taryhyma berip şan bu gün.

Bitaraplyk – çüwen bagty türkmeniň,
Ýazgydyň serpaýy açyk täleýe.
Ynsanperwer ýoly bilen aýlanýar,
Arkadagly iller bütin äleme.

Bitaraplyk – çüwen bagty türkmeniň,
Bitaraplyk – ýer ýüzüniň ykrary.
Munda jemlenendir atalaň pendi,
Munda jemlenendir türkmen ygrary.

Garahanjar BAÝHANOW.