21:51 "Bu gün gama batdym dostlarmy ýatlap..." | |
BU GÜN GAMA BATDYM DOSTLARMY ÝATLAP...
Men nobat belläpdim, nobatym ýitdi. Şum ykbal ýene-de keçjallyk etdi. Meň tabydym götermeli ýigitler Maňa öz tabydyn göterdip gitdi... Mahal-mahal durýan yzyma garap - Uzaklarda galan ýaşlygma sary. Göwnüme, yzymdan gelýän deý ýöräp Ol ýerde eglenen dostlarmyň bary. Ýöne olar baky galdy ýaşlykda, Diňe hyýalymda duş gelýär olar. Biraz söhbet edýäs göwnühoşlukda, Birdenem gözümden gaýyp bolýarlar. Käte möwjäp gelýär küýseg gözýaşy, Dilleniň, dostlarym, nirde galdyňyz? Bizi aýra saldy pelegiň işi, Duýdansyz dünýämden gaýyp bolduňyz. Dostlam, sizi gözlemedim nirlerden, Yzlap ýaşlygmyzyň giden yzyny. Ýöne, islesem-de, men ol ýerlerden, Ne-hä sizi tapdym, ne-de özümi. Belki, dostlarym hem çar ýana bakyp, Meň giden ugrumy gözleýändirler. Olar hem men deýin bir çete çykyp, Küýseg gözýaşyny gizleýändirler. Öten agşam gördüm sizi düýşümde, Biz ýene otyrys üýşüp bileje. Perişde deý otyrsyňyz gaşymda, Siziň şol ýaşlygňyz, men bolsa goja... Bu gün gama batdym dostlarmy ýatlap. Gamlanmakdan özge ýokdur çärämiz. Wagt geçdigiçe çalt-çaltdan ätläp, Şonça ýakynlaşýar biziň aramyz. Azat NURGELDIÝEW. | |
|
√ Günüñ monology / Goşgular - 01.01.2024 |
√ «Отвергнув гордое сомненье…» / Goşgular - 29.02.2024 |
√ Garyp köñlümiñ soltany / Goşgular - 21.02.2024 |
√ Şert / Goşgular - 09.02.2024 |
√ Moskwadan görýärler / Goşgular - 30.01.2024 |
√ Жизнь / Goşgular - 29.02.2024 |
√ Ynanarmykan? / Goşgular - 30.01.2024 |
√ Erjellik / Goşgular - 05.01.2024 |
√ Çarwa arabyñ söýgüsi / Goşgular - 10.02.2024 |
√ Düýşgowuran / Goşgular - 08.04.2024 |
Teswirleriň ählisi: 6 | |||
| |||