22:30 Çişip ýörme... | |
ÇIŞIP ÝÖRME...
Çişip ýörme, tapdym diýip deňimi, Men seniň deňiň däl, sen menden beýik. Ýatdan bilýäň ellerimde bar bolan ähli meňimi. Meň-ä özümem bilemok şony Meniňki peslik. Dur-dur, onda seňki söýgi bolýa-da? Aý ýok, ol-a ýatkeşlik… Meň meň bilen işim ýok, sanap saçyň taryny Her gezek soňuna çykaýjak bolýan. Arada saçym dökülýär diýipdiň dälmi? Onda indiki hepde sanaýyn. Oňa çenli birneme azalar saçlaryň tary Maňa-da sanamak aňsat düşer, jananym. “Maňa düşüneňok” diýip, çalaja azgyrlan bolýaň, (Özüň diýmediňmi şary gowy görýän diýp, Garnym az-kem çyksa ýazgaran bolyaň). Asyl kim kime düşünenok?! (Bilýän, şuwagt gülýäň). Düşüneňok diýme indi sen maňa, Üýtgeşikdir meň söýgüde fantaziýam. Horlanyp, saňa gowy görünjek bolup Soňky döwür gant az iýýän. Ýöne sen diliň süýjüligi bilen, Köpeldip goýberýäň bolmaly möçberi, Düşündim. Seniň barlygyňda ýaşaýan menem Sensiz ömrüm ýuwaş-ýuwaş öçmeli… Bagtly günleň ýumagyny çözläli, soňam käte ýatlap durmak üçin gerek bolsa yzyna saraly gyz. Şeýdip, ozal bagtsyz geçen günleriň aryny Geljek günlerden alarys. Sabyrly bolmagyň gerek şoňçün, Düşündiňmi, dilberim?! Baky AMANÝAZOW. | |
|
√ Rubagylar / Goşgular - 01.01.2024 |
√ Ömrümiñ manysy bolmaly zenan / Goşgular - 05.02.2024 |
√ Жизнь / Goşgular - 29.02.2024 |
√ Garaş maňa / Goşgular - 17.02.2024 |
√ "At bilen kowalap gördüler ony..." / Goşgular - 01.01.2024 |
√ Ak buýnuzly ak maral / Goşgular - 01.01.2024 |
√ Alabahar / Goşgular - 21.03.2024 |
√ Lenç edilen nakyl / Goşgular - 05.02.2024 |
√ Salam, Türkmenistan! / Goşgular - 01.01.2024 |
√ Düýşgowuran / Goşgular - 08.04.2024 |
Teswirleriň ählisi: 8 | ||||||||
| ||||||||