Dagdan gaýdýan ýodalar

DAGDAN GAÝDÝAN ÝODALAR

Her haýsy bir ýere barýar-a süýnüp,
Saga-sola aýrylýarlar her ýerde,
Täsin ýüpe meňzeş uzyn ýodanyň,
Uly ýolun belläp barýaryn serde.

Bellik goýulmansoň dagly ýodada,
Dogrudyr-la giden ýolum diýdirýär.
- Azaşdyňmy- diýip- dagly ýollarda
Seretsem, öňümden ejem jan gelýär.

- Oglum, daýym gelip durgun obaňa,
Ýalňyşmarsyň bu ýollardan gatnasaň.
Alma-nar paýyňam goýandyrys saňa,
Hem gowudyr dogduk obaň ýatlasaň-

Diýen sözi heniz ýatdan çykanok,
Eneň her bir sözi giden bir many.
...Oýlandyrýar oba barýan ýodalar,
Obasyna kämahallar barýany.

Amansähet ANNASÄHEDOW.