23:30 Dil dürüşde däl | |
DIL DÜRÜŞDE DÄL
Bir ýygnakda münberdäkiñ sözüni Diñledim - kemally düşüp bilmedim. Sakynyp ol gynaýardy özüni, Haýpym geldi, halyna men gülmedim. Suw däl, derdi - mañlaýyndan akýany, Rus dilinden terjimedi okýany. Sözlemleriñ manysyna üns bermän, Habar öñden çozýar, eýe soñundan. Dilimiziñ dil biçimi bozulyp, Kelle çykarylýar köýnek ýeñinden. Köp bolansoñ terjimäniñ "mollasy", "Ýerne ýetirdi"-di - ýüzden ellisi: "Ýerne ýetirmändir". "Ýerine ýetmez", "Ýerne ýetirmedik" - "Ýerne ýetirsin". "Ýerne ýetirmese", pulam getirmez. "Ýerne ýetirmedik" "ýerde otursyn". "Şol ýerne ýetirliş" - "ýetmez ýerine", "Ýerine ýetmese" - ýetmez birine... Ýarym sagat diñledim men sözüni, "Ýerniñ" nirdedigne aklym ýetmedi. Dokladçy ýitirensoñ özüni, Nirä ýetirmeli "ýerin" aýtmady. "Ýerne ýetirdi"-ni taşla! - "Doldy" diý. "Ýerne ýetmedi" däl, "dolman galdy" diý. Bagşy aýdym aýdýa, "Ýerne ýetrenok". "Ýene şol ýerine ýetirlişde" däl! Sazanda saz çalýa, "Ýerne ýetrenok", Dilmaç, diliñ bozulmagy daşda däl! Dil dürüşde däldir, har-hamyr gatmañ, Dostlar, diliñ näzikligin unutmañ!.. Berdi KERBABAÝEW. "Ýaş kommunist" gazeti, 29.12.1966 ý. | |
|
√ Garaş maňa / Goşgular - 17.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Sowuk söz / Goşgular - 31.01.2024 |
√ Goltugy daşly adam / Goşgular - 05.01.2024 |
√ Ýagyş damjasy / Goşgular - 24.03.2024 |
√ Ynanarmykan? / Goşgular - 30.01.2024 |
√ Çarwa arabyñ söýgüsi / Goşgular - 10.02.2024 |
√ Ýolbars we Möjek / basnýa / Goşgular - 05.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Erjellik / Goşgular - 05.01.2024 |
Teswirleriň ählisi: 0 | |