DÖWÜRDEŞIME
Jeýhunyñ jepakeş kämil perzendi,
Ärsary pälwany, Osman Öde sen!
Açyk saña söz dagynyñ derbendi,
Beýiklerden patalymyñ ýa-da sen!
Paýhasyñ miwesi "Altynjan hatyn",
"Ogry depe", "Her kellede han otyr".
"Teswirinde, telwasynda Pyragyñ",
Zehiniñ daş ýaran zarbasy ýatyr!
"Humaýyñ kölgesi", "Möjek kanuny",
"Sizi hiç wagt unutmaryn", "Tapagan",
"Köñül kerweniniñ ýüki" ýetipdir,
"Bäşinji hazyna", meşhur "Alp-Arslan"
"Lukman Hekim", "Seniñ dünýäñ" zybany,
Durky bilen ýüreklere ornaýar!
"Taglymatlar", "Garaşsyzlyk diwany"
Köñüllerde baýdak ýaly parlaýar,
Geçmişi şu güne getirip bilýäñ,
Okanyñ göwnünde galmaýar güman.
Dünýäñe gireni heýjana salýañ,
Eserleriñ göýä bäşinji umman!
Sahypada höküm sürýär sadalyk,
Diwanyñ dokmañyz, durşuna many.
Aslyñda agraslyk, asylzadalyk,
Bular seniñ beýikligiñ nyşany!
Egniñde göterip ineriñ ýükün,
Getirýäñ senede abraý, şöhrat-şan,
Türkmeniñ seniñ deý ägirdi bilen,
Döwürdeş bolmagam bagtdan nyşan!
Didarberdi ALLABERDIÝEW.
|
0
