20:00

Duşuşyk yzasy

DUŞUŞYK YZASY

Bilýän, bizi ýene duşurar bir zat:
Tötänlikmi ýa ýazgydy takdyryň.
Şonda kalbyň iki damja ýaşyny
Göze dözmän, ýene kalba akdyryn.

Seň ýüzüňe bolsa gülüp bakaryn,
Aýyp bolar, senem ony geňleseň:
Men neýläýin, dünýäň ähli posasyn
Seniň täk posaňa berip bilmesem?!

Sen meni nämede günäläp bilseň,
Oňa diňe özüň borsuň günäkär:
Hem yşk berlen, hem yş görnen duýguda
Ne ykrar edildim, ne boldum inkär.

Tötänlikmi bulam
Ýa-da täleýiň
Bize dözjek aýralygnyň jezasy?
Bilýän zadym: iki damja ýaş bolar
Seniň bilen duşuşmagmyň yzasy...

■ ŞERTLI SÖÝGI

Söýgüde wada bolmaýar —
Wadaly zat şöýgi däldir.
Kasama salyp bolmaýan
Duýgular hakyky päldir.

Kasam etmersiň ejeňe,
Çagaňa kasam etmersiň.
Emma geçenňe, geljegňe
Sen biperwaý seretmersiň.

Duýgy gözleme seriňden —
Hak ony kalba salandyr.
Hak kelamy — ýüregiňde,
Dile geçdigi — ýalandyr.

Şertin bozup ölen ýokdur,
Şertli söýgem — şöýgi däldir.
Yşk ýa bardyr, ýa-da ýokdur,
Söýmedikleň şerti kändir.

Garaşma menden kasama,
Wadalarma bolma maýyl —
Söýüp bilemok ýasama,
Men şertsiz söýmäge kaýyl.

Çary ATAÝEW.
Категория: Goşgular | Просмотров: 395 | Добавил: Мylayym | Теги: Çary Ataýew | Рейтинг: 3.0/1
Awtoryň başga makalalary

Goşgular bölümiň başga makalalary

Göwün ýüwürtme / Goşgular - 06.01.2023
Усталость / Goşgular - 14.02.2023
Ýoklugyňda / Goşgular - 22.01.2023
«Весенней полночью бреду домой усталый…» / Goşgular - 03.02.2023
«Пойдем купить нарядов и подарков…» / Goşgular - 22.01.2023
Лира часов / Goşgular - 07.01.2023
«Ветер звонок, ветер нищ…» / Goşgular - 14.01.2023
«Над Феодосией угас…» / Goşgular - 14.02.2023
Мона Лиза / Goşgular - 09.02.2023
Aýtmadym... / Goşgular - 06.01.2023

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]