16:34 Duýgy | |
DUÝGY Özbaşyna ýaşap ýören dünýedim Dogrydym men. Hem kejirdim. Keçjaldym Gurşap durka daşym - imi-salalyk, Öz içimi ýonup ýören neçjardym Mynçgalap durka ýüregimi ünji, Şadyhorram gezip ýören ýalydym Göýäki men, Ýer şarynda ýeketäk, Ýalňyzlygyň aýrylmajak ýarydym Meýin içip yşgyň, sermest halatym Başarmadym ötenleri saýpallap Wagtlaýyn hyýalda kosmasa uçdum, Hakykatda gezdim-ýördim pelpelläp Sabyra atlandym, umytdan düşmän Ähli zady ynam bilen sözledim Durmuş gizlenpeçek oýny ýalydy, Duýgy bilen söýgi, şatlyk gözledim Ömrümi mydama duýga bagladym, Netijesin gören ýaly gurradan Duýgy - maňa baky ýaşlygy beren, Duýgy - meni juwanlykda garradan... Ylham GURBANALYÝEW. 2022.12 | |
|
√ Was-wasylara... / Goşgular - 23.01.2024 |
√ Tilki bilen üzüm / basnýa / Goşgular - 10.01.2024 |
√ "At bilen kowalap gördüler ony..." / Goşgular - 01.01.2024 |
√ Ömrümiñ manysy bolmaly zenan / Goşgular - 05.02.2024 |
√ Soltan / Goşgular - 27.03.2024 |
√ Düýş hem ýagyş / Goşgular - 09.01.2024 |
√ Suwdan ot çykaran goşgy / Goşgular - 31.01.2024 |
√ Aldawçynyñ pañ-pañy / Goşgular - 18.01.2024 |
√ Kyrk ýaşa ýüzlenme / Goşgular - 03.02.2024 |
√ Käbir aýallara melek diýýäñiz / Goşgular - 04.02.2024 |
Teswirleriň ählisi: 0 | |