17:46

Erteki aýdyp bereýin

ERTEKI AÝDYP BEREÝIN

Gel, oglum, erteki aýdyp bereýin,
Ýöne gorkaýmagyn jynlardan –
Döwden.
Üstün çykar gara güýçden adyllyk,
Tutsaň atalaryň pendin-öwüdin.

Birbada hopukdyr haýbatly gelşi,
Ahmal bolsaň, agzyndaky ot çawlap.
Sähel gowşaklygňy aňladaýdygyň,
Telim kelle bolup üstüňe düwlär.

Eýläňden-beýläňden geler duýdurman,
Düýpsiz derýa taşlaýmagam daş däldir.
Şonda oňat ýarag – ygtybar ýoldaş,
Asmandan arassa – päkize päldir.

Netiň düzüw bolsa, galany oňun,
Çykgynsyz zadyňam bolar alajy.
Gowluga çözüler, ýan berer ýaman,
Diýseler-de “bar taýagyň iki ujy”.

Göwnüň açyk bolsa, açykdyr ýoluň.
Bu Watany söýen hergiz hor bolmaz.
Dosta ganat geren, topragyn söýen,
Merde arwah-döwler kär edip bilmez.

Gel, oglum, erteki aýdyp bereýin,
Çekinme arwahdan,
Döwlerden, jyndan.
Edermenler ýeňilmeýär hiç haçan,
Päli düzüw bolsa, söýgüsi çyndan.

Begmyrat USSAÝEW.
Категория: Goşgular | Просмотров: 528 | Добавил: Нawеran | Теги: Begmyrat Ussaýew | Рейтинг: 3.5/2
Awtoryň başga makalalary

Goşgular bölümiň başga makalalary

"Gelin jan..." / Goşgular - 26.03.2024
«Отвергнув гордое сомненье…» / Goşgular - 29.02.2024
Dostluk hakda / Goşgular - 18.02.2024
Nädip ýaşamaly?! / Goşgular - 13.01.2024
Rubagylar / Goşgular - 01.01.2024
Garaş maňa / Goşgular - 17.02.2024
Tilki bilen üzüm / basnýa / Goşgular - 10.01.2024
Ýolbars we Möjek / basnýa / Goşgular - 05.01.2024
Жизнь / Goşgular - 29.02.2024
Suwdan ot çykaran goşgy / Goşgular - 31.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]