08:07

Garyplyk

GARYPLYK

Günde müň gussam bar ýüz elem bilen,
Derdimiň baryndan beter garyplyk.
Soragy men boldum, gaýgy-gam bilen,
Gelip düşer hatar-hatar garyplyk.

Pany dünýä zynat bilen harç bilen,
Ŷüregim maddadyr, bagrym berç bilen,
Wadasyz şum ölüm, bergi-borç bilen
Ŷylba-ýyldan gaýym tutar garyplyk.

Iýmesem, içmesem hem günüm otmez,
Bürenip ýatmaga myradym ýetmez,
Günde müň kowlasam, baý ýere gitmez,
Goş basyp, dulumda ýatar garyplyk.

Tapypdyr her ýerde ýeke-ikini,
Çekipdir byline gaýyş çekini,
Alypdyr eline daşly sokyny,
Ŷadaman, depämden urar garyplyk.

Ŷylba-ýyldan meniň müflisim çykar,
Garybyň ýüzüne kim gülüp bakar?
Ŷörişsem, ýaryşsam, göreşsem—ýykar,
Oýnasam, oýnumda utar garyplyk.

Seýr etmedim sähralarda, çöllerde,
Mestana gezmedim uly illerde,
Bir bilbildim, saýramadym güllerde,
Çag zeýnimi garar-gatar garyplyk.

Kemine diýr, geler bir gün şum ölüm,
Kimsäge—toý-baýram, kimsäge—zulum,
Gyýylma, ynjama, sabr eýle, köňlüm!
Gelipdir, bir zaman öter garyplyk.

 ___________________________
1. Elem—gaýgy, gam-gussa.
2. Pany—hemişelik däl, geçip barýan.
3. Zynat—bezeg.
4. Müflis—garyp düşen, eleşan, ezenegi agan.
Категория: Goşgular | Просмотров: 554 | Добавил: Hаwеrаn | Теги: Mämmetweli Kemine | Рейтинг: 0.0/0
Awtoryň başga makalalary

Goşgular bölümiň başga makalalary

Puluň başarnygy barada agymtyl goşgy / Goşgular - 10.01.2024
Kyrk ýaşa ýüzlenme / Goşgular - 03.02.2024
Käbir aýallara melek diýýäñiz / Goşgular - 04.02.2024
Atsyz goşgy / Goşgular - 31.01.2024
Dostluk hakda / Goşgular - 18.02.2024
Tilki bilen üzüm / basnýa / Goşgular - 10.01.2024
Sumbaryñ kenarynda / Goşgular - 01.01.2024
Ak buýnuzly ak maral / Goşgular - 01.01.2024
Sowuk söz / Goşgular - 31.01.2024
Жизнь / Goşgular - 29.02.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]