Geldim!

GELDIM!

Inçelen umydym tutunyp hemdem,
Kalbymyñ sesini diñle sen birdem!
Ýakynlaşýanmy
ya
daşlaşýan senden?!
Sõýgi sowallaryny bermäge geldim.

Derde goýan dideleriñ zary men.
Ýürek gysýar ýalñyz galan ýaly men,
Dolan dünýäm-
Ykbalyma many sen.
Gõrkümi gõzleñde gõrmäge geldim

Ykbalym arzuwlar bagta duşmagy,
Syrly bakyşlarda sõýgiñ buşlugy,
Dünýä berip dolap bolmaz ýaşlygy
Gaýgynyñ ody men, sõnmäge geldim.

Ýüregimiñ ýary sende galypdyr.
Yşkym õmrüñ serpiginden agypdyr.
Ykbal sabryñ bõwedini ýarypdyr,
Mähre maýyl bolup, sõýmäge geldim!!!

Bagt barmydyr ataş ýollan gõzleñde,
Ylham gõrdüm sõýgi siñen gõzleñde,
Janym, meni gussalara dõzseñ-de,
Bakyşlañ "bakylyk" diýmäge geldim.

Aýjemal GAÝLYÝEWA.
Magtymguly adyndaly TDU-nyñ talyby.