Göwnüm, galma gamlar bilen

GÖWNÜM, GALMA GAMLAR BILEN...

Göwnüm, galma gamlar bilen,
Köne dostlara gideli.
Gerimli gadamlar bilen,
Köne dostlara gideli.

Derdiň hemmä diýip bolmaz,
Syryň gaýra ýaýyp bolmaz,
Haçan barsaň aýyp bolmaz,
Köne dostlara gideli.

Bu gowlukdan nyşandyr,
Dost sözi köňül çün şandyr,
Bilýän bize garaşýandyr,
Köne dostlara gideli.

Şerap şer arap içilmez,
Göwnüň galar gül içinde,
Iň bolmanda ýyl içinde,
Köne dostlara gideli.

Ýalňyz galaňda haçanda,
Ýatlama gatyn açanda.
Dost kalby gaçybatalga,
Köne dostlara gideli.

Dost didary ýazlag bolar,
Hamsykma, hapa bolmagaý,
Ýakyn bolsun ha ol golaý
Köne dostlara gideli.

Görse gara gadyr bolar,
Aýdym bolar, şygyr bolar,
Gijä galsak agyr bolar,
Köne dostlara gideli.

Gurbandurdy ORAZOW.