Göwün aýdymy

GÖWÜN AÝDYMY

Göwün uklap bilenok.
Ýadynda, oñ ýalkym saçyp geçen düýn,
Ýadynda, saçlaryñ tolkun atyşy.
Tutdurman gidişi sarç pursatlaryñ,
Bägülleñ ýüzüni göge tutuşy.
Ajaýyp göz bolup bakýar oña düýn,
Onuñ şol gözlerde eräsi gelýär.
Kadasyz dem alyş,
her bir dem alyş,
Şol tanyş atyryñ ysyn äkelýär,
Göwün uklap bilenok.
Düýn yza dönmäge edenok hyýal,
Ummadan çykypdyr seýkin ädimler.
Ertiriñ bardygtn unudypdyr ol,
Düýn çykyp bilenok onuñ ýadyndan.
Henizem dirkildäp nepis köwüşler,
Oña sarsgyn berýär müñünji ýolm
Ala-mula günleñ garjaşyk sesi,
Ol sesi çykaryp bilenok ýoga.
Göwün uklap bilenok.
Hyýallar tamşanyp gaçypdyr güýçden,
Bireýýäm uklapdyr kagyzdyr galam,
Bireýýäm ukladym,
daşymda düýşler,
Göwün uklap bilenok.

Hudaýberdi SÖHBETOW.