22:41 Gözleriñde mawy asman görünýär | |
| GÖZLERIŇDE MAWY ASMAN GÖRÜNÝÄR Gözleriňde mawy asman görünýär, Çümdür meni ummana. Kalbyňy aç, Ýeterlik. Höwesimem ýok, Jennetden jaý gurmaga. Zeminde gussany dyza çökeren, Melegim, Sen isle, Ýalan bolsa-da, Erteki bolsa-da, Agtaryn, taparyn, Symrug guşuň ýelegin. Men kiriş men, Sazandarym, sazym sen. Gora meni sensizligiň gamyndan. Birje şem ýak, Ýagtyltsana ýüregim, Çykar ahyr ýalňyzlygyň tümünden. Bar erkim, Hem durkum Şerbete batan, Hem awy gatan, Zybanyňdan çykjak gödeg-u-näzik Sözlere bagly, Halas, ýürekde berçigip giden Ejizlikleň deminden. Gözleň mawy asman, Çümdür ummana. Äkit meni ýoksuzlykdan barlyga. Giňlik ber ýüregme, Ýogsa arzuwlam, Sygmaz ahyr, bil ýelýyrtan ýaglyga. Arzuwlarmyň jemi sen bile bagly, Bolmaz hijisin taşlap. Men-ä indi seni söýmän bilmerin, Senem meni bagyşlap… * * * Ol bir ýola düşdi, Jennetiň ýoly. Arzuwa atlanyp, Uçdy hyýaly. Öňünden ýaz çykdy, Oňat günlerin Entek göze ilmedik Meýdanyň ter güllerin, Tirip, düýrüp horjunyna gaplady. Ysgynsyz ýellere döşüni gerip, Sermest şemallarda ruhun taplady Şeýlebir bagtlydy bagtynyň zory, Hat-da daşy sykyp aljak ýagynam. Şeýlebir beýgeldi, beýgeldi welin, Depesi jüp depesine dagyňam. Hezzet görüp, lezzet duýup ýaşady, Ähli menzillerde eglendi aty. Özem şu zatlary ol karz alanda, Bir wajyp zadyny girew goýupdy, Indi dünýäň ähli zady onuňky Ýöne ýekeje zat özüniňki däl, ERKI. Maksatmyrat ÇARYÝEW. | |
|
| |
| √ "Ýanwarda - gardan soñ durlanan asman..." / Goşgular - 12.02.2023 | |
| √ "Beýnimiň içinde gopgun turzuşyp..." / Goşgular - 14.01.2023 | |
| √ Они моих страданий не поймут / Goşgular - 15.01.2023 | |
| √ «Когда вы стоите на моём пути…» / Goşgular - 06.02.2023 | |
| √ Колыбельная песня / Goşgular - 30.01.2023 | |
| √ Uçup gitdiň / Goşgular - 28.01.2023 | |
| √ Истина / Goşgular - 02.01.2023 | |
| √ «Волшебные слова любви и упоенья…» / Goşgular - 05.02.2023 | |
| √ Başlyk hakynda ballada / Goşgular - 29.01.2023 | |
| √ Зеркало / Goşgular - 10.02.2023 | |
| Teswirleriň ählisi: 2 | ||
| ||
0
