22:57

Güýzüm sen

GÜÝZÜM SEN

Köşeşdirip lowlap duran dünýämi,
Dumly-duşa salkyn paýlan güýzüm sen.
Gözüm doýmaz, gözlän ýerim gül ýaly,
Tämizläp, kalbyna jaýlan güýzüm sen.

Ýaşlyk höwesini, güýjüni kemmän,
Gyşyň, ýazyň, tomsuň işini jemlän,
Buşluk bilen açyp işigin hemmäň,
Onlap, ýüzläp toýy toýlan güýzüm sen.

Adatky endigiň unutman, ýene
Agraslyk reňkin çaýdyň bar ýere.
Eçildi boz sähram, joşdy dag-dere,
Tarypy äleme ýaýran güýzüm sen.

Sanap görüp bäsdeşleriň jüýjesin,
Sypdyrmadyň nazaryňdan hijisin.
Artdyryp günlerdir aýlaň süýjüsin
«Gez! – diýdiň – ýyllardan doýman» güýzüm sen.

Arman, aýdym aýdyp gezmäň tersine,
Melhem baryn gözläp ýörün, görsene,
Alyp git, bu ömür ýetsin birçene,
Meni öz ýanyňdan goýman, güýzüm sen.

Irmäýin-armaýyn dymmaýyn şindi,
Aýdymlar ýürekde bolmasyn bendi.
Durl-a!.. Älem bir zada-ha begendi,
Gözellik şanyna saýran güýzüm sen.

Beýik hem adaty işleriň bilen,
Gudrat hem adaty daşlaryň bilen,
Gujurly garrylaň, ýaşlaryň bilen
Galdyr meni ýene haýran, güýzüm sen!

Italmaz NURYÝEW.
Категория: Goşgular | Просмотров: 371 | Добавил: Haweran | Теги: Italmaz Nuryýew | Рейтинг: 5.0/1
Awtoryň başga makalalary

Goşgular bölümiň başga makalalary

Meniñ monologym / Goşgular - 01.01.2024
Erjellik / Goşgular - 05.01.2024
Tazy / Goşgular - 30.01.2024
Rubagylar / Goşgular - 13.01.2024
Perişan kalbyñ umydy / Goşgular - 01.01.2024
Kyrk ýaşa ýeteniñde / Goşgular - 03.02.2024
Eýdip-beýdip... / edebi ýaňsylama / Goşgular - 12.01.2024
Mürze ýigit / Goşgular - 12.03.2024
Жизнь / Goşgular - 29.02.2024
Nokat / Goşgular - 28.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]