Has Türkmene / degişme

HAS TÜRKMENE

Sözüm olmasa-da, birdem sözläýin,
Ýakyn tutunara ýadam galmady.
Ýoda ýitdi, ýoly kaýdan gözläýin,
Barçany gam basdy, şadam galmady.

Aýak asta düşdi talant, zehinliler,
Merde  döndi ýaranjaňlar, pullular.
Kerim Hally, Han zalym, ýene ýeneler...
Olardan sypmaga “hodam” galmady.

Neýlerem, tersinden öwüsdi ýeller,
Gapyldy göreçler, lal oldy tiller.
Ýaýnady lolular, “Ile belliler”,
Mertligiň nyşany “zadam” galmady.

Ykbal bizni ne nesibä süýredi,
Mert kişileň syrtyn ýapa diredi.
Gawun gurçuklady, garpyz çüýredi,
Mala berer ýaly kädem galmady.

"Magtymguly, söz manysyn çuň eýle",
Içiň gyssa, saza ýapyş—heň eýle.
Wepa agam, mahal-mahal jaň eýle,
Salamlaşar ýaly adam galmady.