Haýsy topar biz

HAÝSY TOPAR BIZ

"Ynanýan" diýýäsem weli
Ynammyzda
ygraram ýok
yhlasam ýok
erkem ýok.
Biziñki nähili ynanja girýä?!
Biz özümiz haýsy topara girýäs?!
Döwrebap ynançly
Bolmakmy ýa şu?
Öz üstüñden
Özüñ gülmekmi ýa şu?
Hut anyklyk bizi yryp bilmändir
Nämälimlik bolsa dyza çökerdi.
Bize aşa umyt berdi
Ýel berdi
arşa çykardy.
Görnetin Permana eýgerip bilmän
Nämälimlik içre umytda gezýäs
Şeýdip özümizi köşeşdirýäs biz
Bil baglaýas
Bil baglaýas Hudaýa
Has dogrusy
göz ýumup galan zada
Bil baglaýas
Täk "Geçirimli" ada
Ajy gözýaş döke-döke.
Biziñki nähili ynanja girýä
Kaka?!