Haýyş

HAÝYŞ

Maňlaýymy synlan wagtym aýnada,
Leblerimde peýda boldy tirpildi.
Ösgün kirpiklerim owalarymda
Ülpüldän gözýaşyň bagryny dildi.

Aýnanyň öňünden çekdi bir gyra,
Pikirlerim jöwenek deý tozgalap.
Dyzyndan mejaly giden maksadym
bilen umytlarym tapdy gozgalaň.

Men öz maňlaýymdan çekinip soňra,
Tapan aýbym ýaglyk bilen basyrdym.
Ýaşlygyma güwä bolsa-da ýüzüm,
Ýüregime yza düşdi gasyndan.

Ykbal ýalňyzlygmyň öwezin dolup,
Berdi maňa düşünişjek eziz ýar.
Bardy-geldi şolam ynjytsa bir gün,
Sen bir meni ynjytmagyn, Poeziýam!