Hazarym

HAZARYM

Synlap doýma ýokdur ajap keşbiňi,
Haýran edýär täsin görküň, Hazarym!
Möwjedip dur saňa bolan yşkymy,
Asmana birikýän durkuň, Hazarym!

Kenaryňda gül bürenen baglar bar,
Hol gudratly Balkan, Hazar daglar bar,
Çarlak guşlar, ördek, guwlar, gazlar bar,
Saňa baky baglan örkün, Hazarym!

Sportum joş urup, gülläp gaýnaýar,
Bagşylarmyz bilbil bolup saýraýar,
Balyklar gaýyşyp, böküp oýnaýar,
Ýaýnap gujagyňda erkin, Hazarym!

Sen keremli hazyna sen durşuňa,
Tolkunlaryň owaz dutar kirşime.
Meňzäp dursuň ýüregimiň urşuna,
Egsilmez hazyna-zersiň, Hazarym!

Ajap eşret Arkadagly bu zaman,
Mekany sen baky baýram-dabaraň,
Bütin dünýä nur saçyp dur Awazam,
Görklendirip gözel görküň, Hazarym!

Annageldi KÄLLIÝEW.