08:08 Hoşlaşyk | |
| HOŞLAŞYK Birden bar zat köl suwy deý bulandy, Oýandyk biz süýjüsinde düýşleriň. Hoş gal, söýgim, alys ýola barýan men Goýup saňa ýatlamalaň üýşmegin. Yzyna getirýär äkiden ýollar, Diýen umyt bilen bakma ýoluma. Düşün sen, derýaňam suwy gaýdansoň Öňki bady bilen akmaýanyna. Men öz hyýalynyň yzyna düşüp, Ygan derwüşdirin kowlap salgymy. Meni öňler asla ünjä goýmazdy, Günleriň yzymda sessiz galmagy. Ýöne bu gün kalbym içre ýel turdy, Hem zaryn ses etdi köňül kirişlem. Men şeýlebir aýdym aýtdym gussaly, Wah, özümden başga bolmady eşden. Golumda ysgyndan gaçan ýüregim, Ony gapy-gapy hödürledim men. A soň, salgap golum, gaçyp mejalym, Gussamy kalbyma möhürledim men. Şeýdibem, ugradym gözýetim sary, Hoş gal, söýgim, ömür içre armanym. Kürekläp salymy bulanyk kölden, Men öz täleýime gaýdyp barýaryn. * * * Duýgulam şem bolup ýanyp gutarar, Nokady goýulman galar şygrymam. Ýene başym sallap ýola düşerin Ýadan aýaklarmyň äden ugruna. Tanap deý ýodalar äkider meni, Mährem gujagynda gizlär dereler. Hiç kim eşitmejek pyşyrdy bolup, Derdimi asmana aýdyp bererin. Şonda ýagyş ýagar, bulutlar üýşer, Şemal oýnar bulam-bujar saçlarym. Ak çägä ýaplanyp uklap galamda, Hydyr ata bolup girersiň düýşe. Alaçsyz men – duýgularma däl eýe, Kän kösenýän gelip bilmän aýgyda. Şygyr edip ýazyp ýörün täleýim, Gala gurýan öz daşyma gaýgydan. Aral deý çekilip, gutarar duýgym, Şygrym soňlap bilmän kösenerin men. Ýene başym sallap ýola düşerin, Derdimi paýlaşyp köçeler bilen. Aşyr HANOW. | |
|
| |
| √ Сочувственное послание Сарре, графине Джерсей, по поводу того, что принц регент возвратил ее портрет м-с Ми / Goşgular - 10.01.2023 | |
| √ Janymyň aramy / Goşgular - 06.01.2023 | |
| √ Годы в былом / Goşgular - 11.02.2023 | |
| √ Самоуверенность / Goşgular - 10.02.2023 | |
| √ Şahyryň beýikligi nämede? / Goşgular - 07.01.2023 | |
| √ "Gara syýa bilen ýazyldy..." / Goşgular - 03.01.2023 | |
| √ На пятидесятилетие музы 29 января 1889 года / Goşgular - 29.01.2023 | |
| √ Капитан Земли / Goşgular - 18.01.2023 | |
| √ «Я прежде боролся, скорбел…» / Goşgular - 11.01.2023 | |
| √ Gideňsoň / Goşgular - 06.01.2023 | |
| Teswirleriň ählisi: 2 | ||
| ||
-1
