Iki ömür bolsa

Iki ömür bolsa

Bir ömür bir kemsiz ýaşara kemter,
Ýalñyşsyz ýazylan ömüt kitaby.
Munda ökündiren şol dälmi eýsem?!
Behiştden binesip Adam atany.

Ýörermidiñ şol beladan jowranyp,
Bormudy geçeniñ ökünji sende.
Ömür iki bolsa, birde öwrenip,
Ýalñyşsyz ýaşaýsañ ikinjisinde.

Ýakynlyk

Saýlap bilmen dostlarymyñ gowusyn,
Olañ bary kyn günümde jem wagty.
Käsi ýada düşýär ýokka gowuzym,
Käsi bolsa bir zatlarym kem wagty.

Durmuş alaja deý işilen eken,
Ýürek olañ ikisinem küýsedi.
Ýöne şu çaka çen bilip bilmedim,
Olañ maña has ýakyny haýsydyr?!

Seýran SEÝITMÄMMEDOW