Главная » 2021 » Dekabr » 22 » Kaka
00:09

Kaka

KAKA

Müň gaýgyly bu durmuşda,
Perzendiňdir pikriň, derdiň.
Dostum ýaly bir sözde däl,
Arkam tutup goltgy berdiň.

Iň ýakyn dost söweşemde,
Uzaklardan kesekleşýär.
Kaka, senden asgyn gelip,
Aý-Gün bile gezekleşýär.

Öwretdiňiz, ýol bolmany,
diňe dogry,
galplygy däl.
Diýerdiňiz, bilmek kyndyr,
Dünýe mekdep harplygy däl.

Başymyza pena wagtyň
Müýn duýmadyk jinnek ýaly.
Suw deý mähir guýduňyz siz,
Ömrüňizden kündük ýaly...

Dag gerşinde galyň garlyk,
Sarsgyn bolsa göçýär eken.
Emma, ata bar ömrüni,
Perzent diyip geçýär eken.

Ahmet ARAZOW.
Категория: Goşgular | Просмотров: 435 | Добавил: Ahmet | Теги: Ahmet Arazow | Рейтинг: 4.5/2
Awtoryň başga makalalary

Goşgular bölümiň başga makalalary

√ Ýagyş damjasy / Goşgular - 24.03.2024
√ Meniñ monologym / Goşgular - 01.01.2024
√ Sowuk söz / Goşgular - 31.01.2024
√ Käbir aýallara melek diýýäñiz / Goşgular - 04.02.2024
√ Nokat / Goşgular - 28.01.2024
√ Kyrk ýaşa ýeteniñde / Goşgular - 03.02.2024
√ Çarwa arabyñ söýgüsi / Goşgular - 10.02.2024
√ Ak buýnuzly ak maral / Goşgular - 01.01.2024
√ Ynanarmykan? / Goşgular - 30.01.2024
√ Şert / Goşgular - 09.02.2024

Teswirleriň ählisi: 14
0
1 Nurdan  
100
Jemleme gowy jemlenipdir, Kakalaryñ ömri uzak bolsun, meniñ 9 ýaşamandym, özi-de 38 ýaşamanka ýogalypdy, ol ýagdaý maña juda agyr degipdi, mydam Onuñ geljegine ynanyp ýaşapdym, meni ýaşadan Onuñ ruhydy, ganyma siñen mertligidi..
Kakañyzyñ ömri uzak bolsun

0
2 Ahmet  
634
Minnetdar! Kakaňyzyň jaýy jennetde bolsun. :((

0
5 Nurdan  
100
Amin, Alla ýalkasyn

0
3 Nurdan  
100
Goşgudaky:
"Iň ýakyn dost söweşemde,
Uzaklardan kesekleşýär.
Kaka, senden asgyn gelip,
Aý-Gün bile gezekleşýär."

Şu bentde bir düşünişmezlik barmy, ýa men düşünmedim i?! Uzakdan kesekleşýän iñ ýakyn dost bolup kaka kesekleşýärmi ýa durmuşdaky iñ ýakyn dost kesekleşýärmi, , şol ýerini aýyl saýyl edip almaly ýaly goşgyñ,
Aý-Günüñ Kakadan asgyn gelip gezekleşmegem gümürtik, sorag döredip biljek okyýjyda

0
4 Nurdan  
100
Beýleki ýerleri kanagatlanarly, haladym, üstünlik Size!

0
6 Aksary  
876
Iň ýakyn dost söweşemde,
Uzaklardan kesekleşýär.
Ýagny awtor durmuş bilen söweşýär onuñ söweşdäki iñ ýakyn dosty kakasy we ol bu ýerlerde ýok, ýöne uzaklardan kesekleşýär (kesekleşmegiñ göçme manysy, habarlaşmak gepleşmek..

Kaka, senden asgyn gelip,
Aý-Gün bile gezekleşýär.
Bu iki setiriñize menem düşünibilmedim, ömrüñ bolsun awtor.

0
7 Nurdan  
100
Aksary, tüweleme, manyny gowy açypsyñyz, sagboluñ

0
12 Aksary  
876
Sizem sagboluñ,òmrüñiz bolsun

0
8 Hyýalkeş  
752
A mende bolsa hiç bolmandy :(
Bir zadyñ hiç bolmazlygy gowymyka ýa başda bolup soñundan ýitirilmegi?

0
9 Bagabat  
43
Ikisem erbet, jigim.
Ýöne, ýene-de öňem biri aýtmyşlaýyn: "bolman öleniňden bolup öleniň ýagşy" diýäýmeseň.
Hemmämize Özi giňlik bilen sabyr-kanagat bersin-dä.

0
10 Nurdan  
100
Ähli Kakalaryñ, ejeleriñ, perzentleriñ ömri uzak bolsun!

Bu goşgyñ Awtoryndan teswirde şahsy gürrüñler agzanym üçin ötünç soraýan.
Kakañyz size guwanyp salamat ýaşasyn!

0
11 Hyýalkeş  
752
Ol-a şeýle Serdar aga. Soragymda-da çala ýalñyşlyk bar: Şol iki ýagdaýyñ haýsysy erbediñ gowusy? diýip soramalydym.
@Nurdan, men-ä dogrusyny aýtmak gerek bolsa maşgalada "kaka" diýlen agza aslynda hiç bolmaly däl ýalydyr öýdýärdim kiçikäm. Şoñ üçin birhili, başda bolup soñ ýitirsem agyr düşäýjek ýaly.

0
13 mango  
651
Küdükli mähir guýýan ýerini halamadym.
Estetik däl.
Hemem “kündigi” “jinnege” sazlamak üçin ulanypsyň.
Jinnek - az, kündük - kän manyda ulanan ýalam bolsa…. kündigem beýle bir bol mähir saklajak gap däl. Derrew gutarjak ýaly ol kündikden akýan mähir.

0
14 Ahmet  
634
Minnetdar, Aksary, Nurdan, mango!

Teswiri diňe saýta agza bolan ulanjylar goşup bilýär.
[ Agza bol | Saýta gir ]