19:37

Duet

DUET

Ýaş çopan dowarny depeden synlap,
otyr ýaňlandyryp, gargy tüýdügin,—
magşugna bagyşlan salam hatyny,
ýollaýar saz bilen siňen söýgisin.

Onuň ýaňja düzen täze mukamy
siňýär sähraň hoştap anbar güllerne.
Güllerden düzülen çapraz-çaňňany
dakynýar sonarlyk ýüpek tellerne.

Ýaşyl teller tolkun-tolkun owsunşyp,
gyssanýarlar—olar wajyp habarly,
depe-düzden menzil-menzil ýol aşyp,
magşuk gyzyň huzuruna barmaly.

Säher şemalynyň alyp salamyn,
magşuk gyz tolgunýar, duýup mukamy.
Ýada salýar alysdaky ýaryny.
Kalbyny joşdurýar söýgi wysaly.

Batly gelen ylhamya bäs gelmän,
düýnki öýdän keşdesine başlaýar—
aşygyna niýetlenen tahýasyn,
dürli-dürli nagyş bilen besleýär.

Gyzyň kalbyndaky päkize söýgi,
öwrülýär aýdymyň notalaryna.
Çalasyn barmaklar ol notalary
çatyşdyrýar keşdäň aralaryna.

Jübüt kalbyň tiken ajap tahýasy
aýdýar bir aýdymy, çalýar bir sazy,
söýgi aýdymyny, söýgi sazyny—
aşyk-magşuklaryň ýürek owazyn.

Kakajan BALKANOW.

awgust 2022 ý.
Категория: Goşgular | Просмотров: 159 | Добавил: kbalkanov4 | Теги: Kakajan Balkanow | Рейтинг: 0.0/0
Awtoryň başga makalalary

Goşgular bölümiň başga makalalary

Moskwadan görýärler / Goşgular - 30.01.2024
Göreş / Goşgular - 11.02.2024
Eýdip-beýdip... / edebi ýaňsylama / Goşgular - 12.01.2024
Şemally gün / Goşgular - 27.01.2024
Жизнь / Goşgular - 29.02.2024
Ýagyş damjasy / Goşgular - 24.03.2024
Täjir tanşyma / Goşgular - 16.01.2024
Rubagylar / Goşgular - 13.01.2024
Was-wasylara... / Goşgular - 23.01.2024
Ak buýnuzly ak maral / Goşgular - 01.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]