Главная » 2020 » Mart » 30 » Kandidata hat
15:27

Kandidata hat

KANDIDATA HAT

(Sapa Hommadowa bagyşlanýar)

Hany, geç stola, kandidat dostum,
Öňküleriň ýaly goşgy ýazsana!
30-njy güni buşlugy bilen,
Bu ömüri sowgat bermiş ýaz saňa.

Ýasamalyk duýulmady sözleňde,
Ýaz ýaly ýylgyrdyň ýylgyran çagyň.
Sen şeýle bir bina gurun özüňe —
Goý, boýy ýetmesin hol Köpetdagyň!

Durmuş duşuşyklaň mesgeni, ýöne
aýralygam gapdalyndan goýanok.
"Her bir işde haýyr bardyr" diýsene!
Şol söz bize sogap berýär diýmesek,
Özümiz-ä hiç zat ýitiremizok.

25-de gussallarňy terk edip,
26-a şatlyk bilen goşul sen!
Bagt bagyň guramasyn hiç haçan,
Ömrüňe ýene kän ömür goşulsyn!

Janyň-a sag bolsun, dik bolsun başyň,
Arzyly menzilleň öňüňde häli.
Gyýylanňa degenog-a bu jahan,
Dünýe görnüşinden owadan, hä-mi?!

Hanha, seret, galam, kagyz hem stol
Saňa garaşyp dur, kandidat dostum!
Bagyşla, dagynyk boldy setirlem,
Uzak ýaşa!.. Jemläýin bu goşgymy.
Geçäýmesin 26 setirden.

30.03.2018 ý.

Gülnar GELDIMYRADOWA.
Категория: Goşgular | Просмотров: 393 | Добавил: Hаwеrаn | Теги: Gülnar Geldimyradowa | Рейтинг: 4.7/3
Awtoryň başga makalalary

Goşgular bölümiň başga makalalary

√ Şert / Goşgular - 09.02.2024
√ «Отвергнув гордое сомненье…» / Goşgular - 29.02.2024
√ Kyrk ýaşa ýeteniñde / Goşgular - 03.02.2024
√ Owadan pyçak hakynda erteki / Goşgular - 09.04.2024
√ Gökdepäm / Goşgular - 22.03.2024
√ Nädip ýaşamaly?! / Goşgular - 13.01.2024
√ At galar / Goşgular - 11.02.2024
√ "Diýdiñ: Gelin bolup görkezeýinmi?.." / Goşgular - 14.02.2024
√ Was-wasylara... / Goşgular - 23.01.2024
√ Hasap / Goşgular - 18.02.2024

Teswirleriň ählisi: 12
0
1 Hаwеrаn  
245
Hany, onda, agzybirlik b.n @Pegas agzamyzyñ - Sapa Hommadowyñ doglan gününi gutlalyñ! smile

0
2 Pegas  
98
@Selbii,
1. Sekiz ýaşymda.
2. Ýok.
3. Hawa, deň gelýär.

Kanagatlanansyň-a?

0
3 Pegas  
98
Seni hoşal edip bilmejegim üçin eýýämden gynanyp ugradym. sad Ýadyma düşenok o goşgyň taryhy.

0
4 Bagabat  
43
"Biz şeýlebir syrly gepleşýä-ä-ä-s! Şeýlebir ýaşyry-y-y-n welin, hatda näme hakda gepleşýänimizi özümizem bilmän otyrys-a hakyýt-t-t!"

0
5 Bagabat  
43
Ýöne, hiç kim gaty görmesi ýokdandyr. Diňe biraz göwün götermek üçin aýdylýan degişmedir. Sapa Hommadowyň doglan gününi bolsa gutlaýaryn. Ýaşyň uzyn, görjegiň gowy, janyň sag bolsun!

0
6 Gurgencli  
324
Gutlaýan. Ömüriň uzak bolsun gardaş

0
7 Hаwеrаn  
245
Ony muny bilemok, "günüñ ýyldyzy" @Selbi, şon-a anyk bilýän tongue

0
8 Wirus  
Entek ir dämi? Günüñ tamamlanmagyna tegelek alty sagat bar.. cool

0
9 Hаwеrаn  
245
Ýok, mynasyp şoña. Gowja teswirleri b.n alty adamyñ alty günde turuzmadyk şowhunyny turzup bereni üçin angel

0
10 jumagylyjovao  
88
Sapa, doglan günüň gutly bolsun! Geljegiň görjegiň gowulyk bolsun! Alla seni öz penasynda, bir pursatlygam gözden salman, aýap saklasyn!

0
11 Meteor  
Sapa gynanma hemme gyzlary hoşal edip bilmeýäniñe. Gözüñ doýsyn, bize-de birki sanysyny goýaý arasynda sad

1
12 Nurdan  
100
Jigim, õmrüñiz uzak, janyñyz sag, galamyñyz ýiti, ylhamyñyz bereketli bolsun. Siziñ şeýle bir goşgyñyz bar:

Gursagym deý dar köçeden barşyma,
Oýa gelýär gamly keşbi enemiň.
Ýüregimi elendirýär ýene-de
Ses-sedasyz gizlemegi elemin.

Bukjak bolan paralanşyn bagrynyň,
Çygjaran gözlerni gizlejek bolan.
Perzendiniň köp büdrän ýodasyn
Umytlary bilen düzltejek bolan...

Özüne berilen bagt paýyny
Bagryndan önene bermäge kaýyl,
Bir ölüp bilmändi göznüň öňünde
Perzendiniň horlanşyna wagtsaýyn...

Eneleriň edähedi şeýle-dä,
Balalaryn atarýança bal güne,
Ynjalmazlar.
Ynjytmazlar hiç wagt,
Hem bagryna, hem yp-yssy kalbyna
basarlar-da, pata be:rler mukaddes.
Dünýäni deňlejek ýürek urşuna.
...Şeýdip kän oýlanýan enem hakynda
Gursagym deý dar köçeden barşyma..
----

Goşgyñyzda aýdyşyñyz ýaly umytlary bilen perzendiniñ ýollaryny düzeltjek bolýan käbäñiz:

Ynamyňa jogap beresim gelýär,
Hut şu ýolda az däl gorky-hederim.
Kim aýdypdyr kämil ynsan ýok diýip,
Kämil ynsan sen ekeniň, pederim!

Diýip Iñ kämil ynsan hasaplan kakañyz siziñ bagtyñyza õmrüñize guwansynlar!

Hiç mahal "Ynam dagyñyza garlar ýagmasyn!"
Õmrüñiz manyly, geljegiñiz aýdyñ bolsun, Sapa jigim!

Teswiri diňe saýta agza bolan ulanjylar goşup bilýär.
[ Agza bol | Saýta gir ]