20:06 Käşgä seni söýmän oñup bolsady... | |
| KÄŞGÄ SENI SÖÝMÄN OÑUP BOLSADY... Käşgä seni söýmän oňup bolsady, Bolmasady nazaryňda jady seň. Maňa yşkyň bilen beren derdiňi, Yşkyň bilen bejersediň ýa-da sen. Men onda kalbymy paralap, beýdip, Gamgyn setirlere siňip gitmezdim. Diňe şygryýete syrymy aýdyp, Diňe şygyr bilen oňşuk etmezdim. Bireýýäm çykardym çäginden şygryň, Goşgy çyrşamazdym mazara çenli Hem meniň bu gussa eýlenen şygrym Ýatladyp ýörmezdi maňa geçenmi. Ýok, men närazy däl beýle ykbaldan, Täleýimde ýoklugyňa aglamok. Ýöne indi maňa goşgy ýazmakdan Gaýry ýoluň bardygyny aňlamok. Ahmyrym ýok uçranyma yşka meň, Ökünemok yşkyň ýakanna meni. Ýöne kesä çekmesinler, goşgulam käte gussalyrak çykanda weli. Köňül mydam şatlyk bilen gaýanok, Ýazsam diýýäň kä jibrine-jibrine. Adam diňe şatlygyny ýaýanok, Hasratyňam salyp bor-a şygryňa! Hojaberdi ÇARYÝEW | |
|
| |
| √ «Ныне, полный блаженства…» / Goşgular - 15.02.2023 | |
| √ Atlar, itler, eşekler / Goşgular - 12.02.2023 | |
| √ Анне Ахматовой / Goşgular - 11.02.2023 | |
| √ Deprem Ağıtı / Goşgular - 13.02.2023 | |
| √ Амалтея / Goşgular - 15.02.2023 | |
| √ Durmuşy deňeşdirme / Goşgular - 08.01.2023 | |
| √ Gar ýaganda / Goşgular - 09.01.2023 | |
| √ «Взгляни: небесный свод безоблачен над нами…» / Goşgular - 20.01.2023 | |
| √ ,,Ak gar ýagyp..." / Goşgular - 17.01.2023 | |
| √ В вертепе / Goşgular - 01.02.2023 | |
| Teswirleriň ählisi: 1 | |
|
| |
0
