Keçe kakaňda

KEÇE KAKAŇDA

Goňşular rysgyna toprak goşulýar,
Yrsarap üstüne keçe kakaňda.
Gyl-gypyr ondanam köpräk goşulýar,
Ýelesine geçe-geçe kakaňda,
Nuh eýýamdan galan keçe kakaňda.

Sagatda segsenden gaçan gutular,
Jaýyny çalyşyp göçen gutular.
Näder demgysmaly garry-gurtular,
Şo keselden gitdi eje-kakaň-da,
Ýurdun täzeledi keçe kakaňda.

Goňşulaň çaýynda mikrob görünýär,
Wiruslar ondanam köpräk görünýär.
Şonda seniň keýpiň kökräk görünýär,
Tozanyňdan gaça-gaça kakaňda,
Uz ýaşynyp köne keçe kakaňda.

Büzmeýin zawody senden parahat,
Çernobylda bolupdy öň harasat.
Gündiz gün tutulyp gopýa kyýamat,
Aý, ýyldyz tutulýar gije kakaňda,
Bili üzülen köne keçe kakaňda.

Gurbangylyç HYDYROW.