Главная » 2022 » Ýanwar » 31 » Lal gyza...
06:39

Lal gyza...

LAL GYZA...

Gulagyñ eşdenok, gürläp bileñok,
Bize tanyş dilde, biziñki ýaly.
Diliñe düşünmän adam sürüsi,
Señ adyñ yzyna dakdylar "Däli".

Däli bolmasam-da, telbe dünýämi,
Syrdaş saýyp käte gelýañ ýanyma.
Çynyñ bilen gürrüñ berýäñ bir zatlar,
Men diliñe düşünýän deý, hamala.

Düşündirýäñ hereket hem üm bilen,
Ejeñ, daşbagyryñ taşlap gidenin.
Kakañ bolsa baka göçüp bimahal,
Garry eneñ gözün ýaşlap gidenin.

Wah,diliñ bolsady, ýene köp zady,
Bilýän,sen janygyp gürrüñ bererdiñ.
Başga zat elimden gelmese-de meñ,
Saña biraz göwünlig-ä bererdim.

Belki,däli dünýäñ o tarapynda,
Seni kösän diliñ zybana geler.
Meniñ bolsa gorkýan zadym o ýerde,
Bu dilim lal açar, amana geler.

Gürleşesim geler, has içgin-içgin,
Maña tanyş dilde gürläniñ eşde.
Ýöne meni goýberermi sakçylar,
Günäsizleñ mekanyna, behişde?

Gyzylgül ANNAGYLYJOWA.
Категория: Goşgular | Просмотров: 549 | Добавил: Gumlygelin | Теги: Gyzylgül Annagylyjowa | Рейтинг: 4.7/7
Awtoryň başga makalalary

Goşgular bölümiň başga makalalary

√ Ýagyş damjasy / Goşgular - 24.03.2024
√ Mürze ýigit / Goşgular - 12.03.2024
√ "Diýdiñ: Gelin bolup görkezeýinmi?.." / Goşgular - 14.02.2024
√ Ömrümiñ manysy bolmaly zenan / Goşgular - 05.02.2024
√ Şemally gün / Goşgular - 27.01.2024
√ Dostluk hakda / Goşgular - 18.02.2024
√ Rubagylar / Goşgular - 13.01.2024
√ Kyrk ýaşa ýüzlenme / Goşgular - 03.02.2024
√ Günüñ monology / Goşgular - 01.01.2024
√ Gökdepäm / Goşgular - 22.03.2024

Teswirleriň ählisi: 10
0
1 Nurdan  
100
Ýürek gyyyjy hadysa, gynandyryjy ýagdaý.. Alla gaýrat hem sabyr bersin..
Çäresizlik..
Goşgy welin dokuzy düzüw çykypdyr, ýürekden ýazylan.
Ylhamyñ joşup dursun.

0
2 Garayolly1936  
830
Ynsan kysmaty, bir birege mahremlik, iki dunyaniñ baglanşygy... hakdaky ceper goşgy. Berekella uÿam!

0
3 Edebiyatcy  
15
Ýöne,meni goýberermi sakçylar,
Günäsizleñ mekanyna, behişde?

Goşgudaky lalyň ruhy ahwalatyna düşünýän, gyýylýan jan, ýagny awtor behişde goýberiljekdir enşalla!
Goşgy duýgulandyrdy. Köp sag bol, gyzyl ýaly gymmatly, gadyrly Gyzylgül Annagylyjowa.

0
4 Aksary  
876
Meniñ bolsa gorkýan zadym o ýerde,
Bu dilim lal açar, amana geler.

Ýöne, meni goýberermi sakçylar,
Günäsizleñ mekanyna, behişde

Şular ýaly goşgularyñyzyñ sany kän bolsun, minnetdar genneje.

0
5 Gumlygelin  
8
Okanyñyz üçin köp sag boluñ!
Aslynda bu goşgyny ýazdyran gyzjagazy hemmeler däli diýip tanaýa. Ol ýaman garaýyş bilen özüne sereden adamlary daşlabermekdenem gaýtmaýa.Ýöne, tersine göwnüni tapyp özüne ýagşylyk eden adamlary hiç unutmaýa...
Umuman biziñ däli diýip señrik ýygyrýan adamlarymyzyñda edil biziñki ýaly begenmek, söýmek, ýigrenmek ýaly duýgulary bar. Olara hem dogry düşünmek gerek eken...

0
6 Nurly  
1384
Sag boluñ. Goşgyñyz örän oñat eken.

0
7 Gumlygelin  
8
@Nurly, sizem sag boluñ!

0
8 badysaba555  
1371
Dogry aýdýaň, Uýam. Olarda-da göwün bar, duýgy bar. Lal bolany üçin "barybir düşünişip bolmaýa" diýilýän pikirler bilen ona üns berilmeýär. Ýogsam olam biz ýaly ynsan. Eşitmese-de, gürläp bilmese-de beýleki ynsanlar ýaly özlüne üns berilmegini, mähribanlygy isleýändir. Olar bilen başarsaň-başarmasaň, düşünişip bolýan ýaly roly oýnamaly. Olara göwünlik berip bilerismi, ýokmy bilemok welin, nähilidir bir ýylylyk, mähirlik bn ýylgyryp ýüzlenmeli we olaryň şatlanmagyny gazanmaly. Seniň bu goşgyňda-da, şol mähribanlygy, ynsanperwerligi aňladýan äheňi duýup galdym. Däli däldir belki gyzjagaz. Ýöne mähir diýlen duýgy yzygider bolanda dälinem ýola salmagy ahmaly ýagdaý. Kämahal sag adam bilen düşünşip bilmäniňe gynanýaň, bula dilsiz-agyzsyz kemsizje çaga. Şonda-da göwnüni tapmaga synanşyp, düşünişip bilmezligiň üçin gyýylyp, oýlanmagyň ynha, goşgy döremegine sebäp bolupdyr. Ajaýyp pikirlerden, ajaýyp setirlerden dörän goşgularyň dowamy dowamat boldun! Galamyň hem gadamyň batly bolsun!

0
9 Gumlygelin  
8
@badysaba, dogry aýdýañ uýam. Ömrüñ uzak bolsun!

0
10 rmametgurbanow  
295
Goşgy, duýgulandyryjy....

Teswiri diňe saýta agza bolan ulanjylar goşup bilýär.
[ Agza bol | Saýta gir ]