MAGTYMGULA ÝÜZLENME
Köp zady yzarlap, tapmamsoň hiç zat,
Ýer tapamok boşap galan kalbyma.
Eý, siz asmandaky seýrek bulutlar,
Nämeüçindir meňzeýäniz siz maňa.
Geň däl maňa siziň seýrekligiňiz,
Geň däl maňa bilbilleriň owazam.
Tanyş ak gijeler, aýdyň ýyldyzlar,
Ir-iýmişli güýzem, gunçaly ýazam.
Diňe geň zat,al asmandan bürgütleň,
Bulutlary böwsüp, atylyp barşy.
Alyslarda galdyrany bar ýaly,
Olar pel-pelleýär gör, nirä garşy.
Bilmän,bu durmuşda aljyran wagtym,
Beýik şahyr, bakmaň siz bir kembaha.
Aýdyň maňa bürgütleriň ugruny,
Olar uçma barýarmy ýa dowzaha?
Annasoltan KEKILOWA.
0
