23:44

Marko Polonyñ ýazgysy ~ Dünýäniñ ýagşy ýazgydy

MARKO POLONYÑ ÝAZGYSY ~ DÜNÝÄNIÑ ÝAGŞY ÝAZGYDY

Marko Polo kerwen ýola ser çekip,
Ýewropañ ädimin Aziýa sary.
Alyp gitdi mähir güllerin ekip,
Dünýäñ ilki ýaradylan ýerine ~
Şoldur dünýäñ ilkibaşky didary.

Ýazgysy ýazgydyn açdy dünýäniñ,
Beýik Ýüpek ýoluñ menzili bilen.
Öñ ýazgysyn okan kalby päk ynsan,
Ýaşaýşyñ nurana meñzini biler.

Marko Polo uzak ýola ser çekip,
Baryp ýetdi ýüregne Çyn-Maçynyñ.
Ol öz paýhasyna güýjün siñdirdi,
Ýerde ~ şiriñ, gökde ~ algyr laçynyñ.

Türkmen sährasyny,
Türkmen durmuşyn,
Dana merdem pederleriñ ruhuny
Dünýäñ ykbaly deý ýaýdy jahana,
Belent tutup ynsanlygyñ tuguny.

Hemem külli adamzadyñ ahyny,
Öwürmäge baky şatlyga, bagta.
Bu dünýäniñ ýöräp Ýüpek ýolundan,
Ýetmekligi üçin ýüpek deý bagta.

Arzuwa,
Umyda,
Ynama dolap,
Bagş etdi ýazgyda oñat ýazgydy.
Bu miras ýazgylar ~ gadym türkmeniñ
Dünýä üçin ilkibaşky çözgüdi.

Marko Polo.
Kitap!
1298 ý.
Ýugrimi birinji bölümde, ine,
Türkmenleriñ gyr atlary, halysy,
Geñlik bolup siñýär dünýäñ ýüregne.

Türkmen kämilligi ýazgydan çykyp,
Meşhur haly bolup, doldy Ýewropa.
Ýer ýüzüne türkmen ýazgydyn çekip,
Dünýäñ ýazgydyna eýledi şypa.

Beýik Ýüpek ýoly ädimläp geçip,
Bu ýazgylar aýtdy görenlerini.
Marko Polo äşgär etdi giñ dünýä
Türkmen ýüreginiñ gözelligini.

Категория: Goşgular | Просмотров: 543 | Добавил: Нawеran | Теги: Süleýman Ilamanow | Рейтинг: 4.0/1
Awtoryň başga makalalary

Goşgular bölümiň başga makalalary

Täjir tanşyma / Goşgular - 16.01.2024
Erjellik / Goşgular - 05.01.2024
Sowuk söz / Goşgular - 31.01.2024
Lenç edilen nakyl / Goşgular - 05.02.2024
Moskwadan görýärler / Goşgular - 30.01.2024
Garaş maňa / Goşgular - 17.02.2024
Gökdepäm / Goşgular - 22.03.2024
"At bilen kowalap gördüler ony..." / Goşgular - 01.01.2024
«Превратила всё в шутку сначала…» / Goşgular - 29.02.2024
Aldawçynyñ pañ-pañy / Goşgular - 18.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]