08:37 Maýsalygyň içinde... | |
MAÝSALYGYŇ IÇINDE... Ullakan Zemine otlukly bakdym, Maýsalygyň içinde... Şu täze namamam şol ýerden tapdym, Maýsalygyň içinde... Gögüň mawy gözün synladym bärden, Bulutlaň şäheri göründi nurdan, Nepesime geldi bu pikir nirden, Maýsalygyň içinde... Diňşirgendim, ülpüldeşdi läleler, Düşünmedim, diýişdiler nämeler, Dymdym, ýogsa bilýän arzym käneler, Maýsalygyň içinde... Tebigatyň täsin ahwaly ylham, Akylyň çaşyrýar hem bolýar melhem, Kim bilýär, men ony görerin, belkem, Maýsalygyň içinde... Dünýäsi owadan küýseglem ýaly, Göýä her gunçasy arzuwdan doly, Hamana düýnüme duşanym ýaly Maýsalygyň içinde... “Edebiýat we sungat” gazeti, 24.03.2023 ý. | |
|
√ Dostluk hakda / Goşgular - 18.02.2024 |
√ "Garrap ýörünmi ýa men..." / Goşgular - 01.01.2024 |
√ Nädip ýaşamaly?! / Goşgular - 13.01.2024 |
√ Garaş maňa / Goşgular - 17.02.2024 |
√ Kyrk ýaşa ýeteniñde / Goşgular - 03.02.2024 |
√ Garyp köñlümiñ soltany / Goşgular - 21.02.2024 |
√ «Отвергнув гордое сомненье…» / Goşgular - 29.02.2024 |
√ Sowuk söz / Goşgular - 31.01.2024 |
√ Suwdan ot çykaran goşgy / Goşgular - 31.01.2024 |
√ Atsyz goşgy / Goşgular - 31.01.2024 |
Teswirleriň ählisi: 1 | ||
| ||