13:07 Men bir täze tolkun | |
MEN BIR TÄZE TOLKUN
Men bir täze tolkun kenara barýan, Eňterip özümde jem bolan güýji. Ýanymdaky tolkunlardan bat alýan, Ahyrym armanly, arzuwym süýji. Kenardan yzyna dolanan suwlar! Aýdyň, eý, deňizdeş tolkunlam maňa: - Saçlary buýrarak, deňizde ýuwnan, Öz-özi utanýan görkünden ýaňa, Gördüňizmi gülli köýnekli gyzy? Alaňlardan aşyp, gumlardan geçip, Deňziň çägesinde epdimi dyzy, Buýrarak saçlaryn şemala seçip?! Hazaryň goýnunda ýyllar garaşdym, Nazarym irikgä, Nirdesiň Balkan? Topraga ýetdigim, onsoň garaşsyz, Men bir duýgulary buýrarak tolkun. Deňziň erňegine bir agşamara barsam, gelen bolsa, topugyn öpsem... Ýaýrasam, ynjalyp siňsem kenara, Türkmen topragyna derdimi döksem... Maňa garşy gaýdandyr ol bu tomus, Gyssanýan, tolgunýan, syçraýan her ýan. Gyz gelendir, assa basyp, utanyp, Men bir täze tolkun kenara barýan. Seýitmyrat GELDIÝEW. | |
|
√ Kyrk ýaşa ýüzlenme / Goşgular - 03.02.2024 |
√ Günüñ monology / Goşgular - 01.01.2024 |
√ Gije hem gündiz / Goşgular - 07.02.2024 |
√ Düýş hem ýagyş / Goşgular - 09.01.2024 |
√ Kyrk ýaşa ýeteniñde / Goşgular - 03.02.2024 |
√ Salam, Türkmenistan! / Goşgular - 01.01.2024 |
√ Estagfurullaly bentler / Goşgular - 14.02.2024 |
√ Ýagyş damjasy / Goşgular - 24.03.2024 |
√ Puluň başarnygy barada agymtyl goşgy / Goşgular - 10.01.2024 |
√ Çarwa arabyñ söýgüsi / Goşgular - 10.02.2024 |
Teswirleriň ählisi: 0 | |