09:58 Men gabanjañ | |
| MEN GABANJAÑ Men gabanjaň, Gabanýaryn kän zady. Ýowuz derde ýolugypdyr bu başym. Öz ugruma goýman, Misli bir jady, Bu dünýäni görkezip dur gamaşyk. Bu dünýäde haýyrdyr şer ýanaşyk, Agyz urýar şer haýyryň gerşine, Ikarada bolup bilmez ýaraşyk. Girmän bolmaz soň olaryň urşuna. Görüp-bilip ýörkäk käte pesligiň Beýikligiň aýagyndan alanyn Görüp-bilip ýörkäk loly-mesleriň Asyllylaň üstlerinden gülýänin, Işi ugrunaka hut näkesleriň Gabanman bolarmy?! Gabanýaryn men Haýyry şerden, Pägi näkesden. Gabanýaryn adalaty, päkligi Niýetleri näbelliden-ikisden. * * * Men gabanjaň, Gabanýaryn kän zady, Ýowuz derde ýolugypdyr ýüregim. Ýöne, daglap durka ajalyň ody, Doýman, dolman ýuwdup durka gara gum, Gabanman bolarmy?! Gabanýaryn men, Diriligi – ölümden. Juda az zat gelse-de meň elimden, Gabanýaryn şatlygy gam-gussadan. Tämizligi – töhmetden, Bigünäni – möhletden, Gabanýaryn dünýe barym saglygy Başa inýän bela-beter mähnetden. Men gabanjaň, Gabanýaryn kän zady, Ýowuz derde ýolugypdyr ýüregim. Ýöne bilýärin men, dünýäniň derdi Juda çökder götererden bir egin… Agamyrat SOLTANOW | |
|
| |
| √ Голос города / Goşgular - 03.01.2023 | |
| √ «Буду всегда я по-прежнему молод нетленной душою…» / Goşgular - 15.01.2023 | |
| √ Слово / Goşgular - 07.01.2023 | |
| √ Aýal dogan! / Goşgular - 25.01.2023 | |
| √ Ikimize-de sorag / Goşgular - 07.01.2023 | |
| √ «Сны безотчётны, ярки краски…» / Goşgular - 12.02.2023 | |
| √ Kölege / Goşgular - 31.01.2023 | |
| √ Sestra derýasy / Goşgular - 29.01.2023 | |
| √ К 16 января 1814 года / Goşgular - 16.01.2023 | |
| √ Eje, maňa erteki aýdyp bersene! / Goşgular - 01.01.2023 | |
| Teswirleriň ählisi: 0 | |