08:56

Men halys ýadadym, eje!

MEN HALYS ÝADADYM, EJE!

Syzýarmy ene ýüregiň,
Käbäm, gyzyň ýananyny!?
Bilýän, üýtgedip bilmersiñ,
Şum täleýiň ýazanyny.

Ykbalymdan zeýrenmedim,
Iýsemem, azary, eje!
Kä ýykylyp, käte galyp,
Kän çekdim azaby, eje!

Ýer-gök arada täk özüň,
Düşünýän jigerbendiňe.
Bagtly günüm, gamly günüm,
Uýdum nesihat-pendiňe.

Dost diýip syr berenlerim,
Asyldylar aýagymdan.
Ýenjilip kän zat öwrendim,
Bu durmuşyň taýagyndan.

Diýene diýmedim, eje,
Agyryp dur çep gursagym.
Seni küýsäp, kän sojapdym,
Göwnüme deglen pursatym.

Diýerdiň sen: “Ynjydanlaň
Hatasyn geçmek sogapdyr.”
Ejizlämok öňküler deý,
Köňlümem indi sowapdyr.

Dürs ýolumdan azaşdyrjak,
Daşym “al-arwahdan” doly.
Gorkma, gitmen aldawyna,
Dünýe bolsa-da bir loly.

Ömrüzaýa ýyldyzy deý,
Boldum göwünleň çyrasy.
Arman ýyllar gädip barýar,
Görünýär ömrüň gyrasy.

Ýalan dünýäň aşygy däl,
Alçakdym, sadadym, eje!
Durmuş “oýunjagyn” oýnap,
“Men halys ýadadym, eje!”

Gunça AMANSÄHEDOWA.
Категория: Goşgular | Просмотров: 349 | Добавил: Mahymm | Теги: Gunça Amansähedowа | Рейтинг: 4.0/1
Awtoryň başga makalalary

Goşgular bölümiň başga makalalary

Sumbaryñ kenarynda / Goşgular - 01.01.2024
Perişan kalbyñ umydy / Goşgular - 01.01.2024
"Bagşylara" / Goşgular - 07.02.2024
"Gitdim senden ilerledip ümzügi..." / Goşgular - 01.01.2024
"Garrap ýörünmi ýa men..." / Goşgular - 01.01.2024
Tilki bilen üzüm / basnýa / Goşgular - 10.01.2024
Soltan / Goşgular - 27.03.2024
Çarwa arabyñ söýgüsi / Goşgular - 10.02.2024
Nokat / Goşgular - 28.01.2024
Düýş hem ýagyş / Goşgular - 09.01.2024

Teswirleriň ählisi: 1
0
1 Sähet  
Gowy gosgy bolupdyr haladym

Teswiri diňe saýta agza bolan ulanjylar goşup bilýär.
[ Agza bol | Saýta gir ]