Главная » 2020 » Aprel » 18 » Men saña şeýda
17:18

Men saña şeýda

MEN SAÑA ŞEÝDA

Bendäñ erer men wallahy-billä,
Şamu säherler men saña şeýda,
Geldim gapyña, eý şyhy-lillä,
Gördüm ýüzüñni, älhamdulillä.

Gije we gündiz seni gözlär men,
Göçebe-göçebe seni yzlar men,
Her kim ýoluksa senden sözlär men,
Gördüm ýüzüñni, älhamdulillä.

Bir niçe günler men zary-efkar,
Boldum griftar men saña eý ýar,
Owwal ahyrda sen maña derkar,
Gördüm ýüzüñni, älhamdulillä.

Köp zary boldum saña ýetilmeý,
Bimaryñ oldum derman tapylmaý,
Gelip idim men takat etelmeý,
Gördüm ýüzüñni, älhamdulillä.

Geldim umytly seni göreý diýp,
Derdimge derman senden soraý diýp,
Ýandyrma näumyt janym bereý diýp,
Gördüm ýüzüñni, älhamdulillä.

Haýrat ýolunda halym harapdyr,
Hijran odyga bagrym kebapdyr,
Halymy sorasañ, bihet sogapdyr,
Gördüm ýüzüñni, älhamdulillä.

Категория: Goşgular | Просмотров: 365 | Добавил: Jeksparro | Теги: Nurmuhammet Andalyp | Рейтинг: 4.5/2
Awtoryň başga makalalary

Goşgular bölümiň başga makalalary

√ Göreş / Goşgular - 11.02.2024
√ Жизнь / Goşgular - 29.02.2024
√ Atsyz goşgy / Goşgular - 31.01.2024
√ Wiswisi lakamly obadaşymyň ömür beýany / Goşgular - 25.03.2024
√ Ýagyş damjasy / Goşgular - 24.03.2024
√ Bagyşla! / Goşgular - 01.01.2024
√ "Gelin jan..." / Goşgular - 26.03.2024
√ Moskwadan görýärler / Goşgular - 30.01.2024
√ Kyrk ýaşa ýeteniñde / Goşgular - 03.02.2024
√ "Gitdim senden ilerledip ümzügi..." / Goşgular - 01.01.2024

Teswirleriň ählisi: 201 2 »
1
1 Pegas  
98
Tagam duýup bilmedim, Andalyp ýazanam bolsa.

0
2 Jeksparro  
405
Andalybyñ goşgulary agyrrak. Ýöne öz döwrüne görä düşnükli hem süyji bolmagy üçin...

0
3 Nurdan  
100
Bendäñ erer men wallahy-billa

diýen setirinden çen tutsañ sufizm bilen baglymyka goşgy. Ýagny, bendäñ sõzüni nirde ulanylýanyny nazarda tutup aýdýan. Gyza ýüzlenýan ýaly manyda aýtsa-da başga manyda bolup bilermika diýjek bolýan. Hezreti Magtymgulyda-da bar-da meselem: "Dilberiñ" goşgysy.

0
4 Nurdan  
100
Bu goşgy bir piremi, ýa Muhammet Mustafa (s.a.w) bolup bilmezmi diýjek boldum. Bilmedim maña şeýleräk geldi. Setirleriñ saldamynyñ pesiräkligi, agras aýdylmansoñ edil beýle kabul edip bolmazlygy-da ahmal.

0
5 Nurdan  
100
Ýetirenñize minnetdar!

0
6 Hаwеrаn  
245
Bolup biler, her hal goşgy gowşak, Sapa dogry belledi.

0
7 Jeksparro  
405
Goşguda Andalybyñ öz adynyñ ýokdugy hem şübhe döredip duran ýaly. Mümkin başdaky bilen ahyrky topbagyndaky syýa ýazgylar zaýalanandyr. Şoñ üçinem okamak kyn bolandyr we şu yokardaky doly däl goşgyny çap edendirler...

0
8 Hаwеrаn  
245
Nämesi şübhe döredýär?

0
9 Hаwеrаn  
245
Andalyp bolsa gowşak goşgy ýazyp bilmeli dälmişinmi?

0
10 Hаwеrаn  
245
"A" harpyny ýazmany öwrenenden ýeten şahyr bolandyr öýdýäñizmi?

0
11 Hаwеrаn  
245
Soñky teswiriñdäki üç çaklama hem ýerliksiz. Sebäbi: goşgyny göçürip goýan özüñ, nirden göçürip yazdyñ? Alan kitabyñ çap edilen ýyly, çap eden neşirýatyñ ady, ýygyndyny taýýarlanyñ kimdigi görkezilmedikmi, birden beýle netiją gelýäñ?

0
12 Hаwеrаn  
245
Syýa ýazgylarynyñ zaýalandygyny nireden bilýäñ? Golýazmalar institutynyñ tekstology gulagyña çawuş çakaýdymy ýa?

0
13 Hаwеrаn  
245
Üçünji "şübhäñ" barada-ha aýdybam durjak däl.

0
14 Hаwеrаn  
245
Islendik klassyk edebiýatdan bir nusga barada bir pikiri öñe sürjek bolsañ, ony ylmy we taryhy subutnamalar b.n delillendirmegi başarmaly.

0
15 Hаwеrаn  
245
Ýönekeý okyjylaryñ añyny bular ýaly başly-barat we tutaryksyz b.n bulaşdyrmaly däl.

1-15 16-20
Teswiri diňe saýta agza bolan ulanjylar goşup bilýär.
[ Agza bol | Saýta gir ]