Men seni şeýle bir diñläsim gelýär...

MEN SENI ŞEÝLE BIR DIÑLÄSIM GELÝÄR...

Görsene, günleriñ tiz geçişini,
Ol bize-de hökmün ýöredip bilýär.
Bilýäñmi, men saña aýtsam içimi,
Men seni köpüräk diñläsim gelýär.

Kän ýyllar geçipdir, günler geçipdir,
Telefondan señ belgiñem öçüpdir.
Wagtam bizden eýýäm ara açypdyr,
Sözle, seni köpüräk diñläsim gelýär...

Durmuşyñdan näme habar, niçik hal?!
Seni nirelerde gizledi ykbal?
Men aýtsam, bizde-hä şol öñki ahwal,
Aýt hany, men seni diñläsim gelýär...

Owazyñ uzak wagt gelmedi kalba,
Men arzym aýdaýyn haýsy bir salga,
Uzak wagt tapman gezdim çykalga
Men seni şeýle bir, diñläsim geldi...

Döwletnazar IŞANGULYÝEW.