00:33 Mukaddeslik | |
| MUKADDESLIK Ýöräp barýan, mahmal ýaly ýumşajyk Dabanymyň astyndaky topragym. Ol meni göterýär hem gurbat berýär Bedenime, al ganyma, ýüregme. Ol mylaýym, ol gödeňsi, ol ýowuz – Sebäbi topragam adamlar ýaly, Kimsä ýowuz, kimselere mylaýym. Başym goýup aladaly göwsüne, Söýýän diňlemegi pyşyrdysyny. Söýýän baglarynyň aýdymlaryny, Guşlaryň göçgünli simfoniýasyny, Ter otlaň şemala paşyrdysyny. Toprak mukaddeslik, toprak päk ahlak, Göwsünde ýaşap ýör Akyl hem Akmak. Toprak ene – perzentleri meňzeş däl, Olaň dünýä inişleri meňzeş däl, Dogluşlary meňzeş, ösüşi aýra, Göz açyşy, akyl kesişi aýra. Il günüm guwanjym, Toprak daýanjym, Diýarym – diregim, Şu günüm ertäm. Ýüregmiň dykynyn şular aýyrýar, Kalbymyň umydyn şular oýarýar. Şulardan öwrenýän ýanyp söýmäni, Ýigrenmegem şular guýýar ýüregme. Adalatyň, azat erkiň mesgeni, Watanymyň barýan ýoly ýörelgäm. Näzik ANNATYÝEWA. | |
|
| |
| √ Gonamçylykda / Goşgular - 12.02.2023 | |
| √ «Мы преклонились у завета…» / Goşgular - 18.01.2023 | |
| √ «Когда читала ты мучительные строки…» / Goşgular - 15.02.2023 | |
| √ Петербургская ночь / Goşgular - 14.01.2023 | |
| √ «Я никогда не понимал…» / Goşgular - 18.01.2023 | |
| √ Duýgularym / Goşgular - 10.02.2023 | |
| √ Ürgenç rowaýaty / Goşgular - 06.01.2023 | |
| √ Bagyşla, ezizim! / Goşgular - 06.01.2023 | |
| √ «Моя земля хранит покой…» / Goşgular - 09.02.2023 | |
| √ «Ты придёшь и обнимешь…» / Goşgular - 24.01.2023 | |
| Teswirleriň ählisi: 2 | ||
| ||
0
