13:09 Namysyň derejesi | |
NAMYSYÑ DEREJESI
Sada ýigit ynanypdy "dost" diýip, Bilmän ynam-ygtykatyň çägini. "Dost" diýilýän bet niýete has uýup, Duzun iýip, azdyrypdy gäbini. Onuň maşgalasyn alyp nazara, Gözlerini çarhlap, ogryn bakýardy. (Galam titireýär yzyn ýazara), Bolşy gelne günbe-günden ýakýardy. ...Gyzgyn posalaryň haram lezzeti Ikisiniň ygtyýaryn alypdy. Işikde duranyň köňül ezýeti Ynamyn ýer bilen ýegsan kylypdy. Wejera görnüşe gahar gaýnady, Go:mlaryň içinde urdy küregi. Aşhana pyçagy elde oýnady, Ildirdi ujyna iki ýüregi. "Bar-diýýärler-herki işiň alajy", Bu söz düşer daryganlaň ýadyna. Obaň çetindäki igde agajy Hem gulaç ýüp ýetdi onuň "dadyna". Sada ýigit arman bilen gitmedi, Ýumulgydy dideleri-gabagy. Namys onuň abraýyn dikledi Ýykyp-ýumrup "ahmyr" atly gabawy. Şyhymyrat ABDYLLAÝEW. | |
|
√ Yzany yşkyma ýamag etdim / Goşgular - 15.04.2024 |
√ "Gelin jan..." / Goşgular - 26.03.2024 |
√ Günüñ monology / Goşgular - 01.01.2024 |
√ Suwdan ot çykaran goşgy / Goşgular - 31.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Soltan / Goşgular - 27.03.2024 |
√ At galar / Goşgular - 11.02.2024 |
√ «Отвергнув гордое сомненье…» / Goşgular - 29.02.2024 |
√ Owadan pyçak hakynda erteki / Goşgular - 09.04.2024 |
√ "Garrap ýörünmi ýa men..." / Goşgular - 01.01.2024 |
Teswirleriň ählisi: 6 | |||||||
| |||||||