08:39

Nusga

NUSGA

Rus şahyrynyñ äheñinde

Oña atuw berdiler, ol bolsa bu gijesin
Ýatman gezip geçirdi.
Ýüreginiñ ganyna täze aýdymlaryny
Garyp-ezip geçirdi.

Dañam atyp ýör eýýäm, çaýyp tylla şapagyn,
Ýatyr bendi adamlar.
Ony porky zyndandan alyp çykdy bir topar
Adamzatdan azanlar.

Dünýämizde dünýe deý bu akylly, bu geñ baş
Durşy bilen akyldy:
"Ýel ganatyn kakmasyn, degirmen gan çekmesin!" ¹
Her diýeni nakyldy.

Dünýämizde dünýe deý bu mizemez geñ göwre
Durşy bilen manydy.
Atylsa-da ýok onuñ asyl öljek gümany,
Galanlar oñ janydy.

Olar onu şu günem şol birsyhly ýatlaýar,
Dirileriñ deñinde.
Bilýänsiñ gitlerçileñ masgaralar bolanyn
Bütin dünýäñ öñünde.

Bu adam şu günlerem bütin dünýä ýañ salyp
Ýören joşgunly sildir.
Bu gerçek dünýämizde mertlige nusga bolup
Galan Musa Jelildir!

___________________________________
¹ Musa Jelilden.

Anna GURTGELDIÝEW.

"Edebiýat we sungat" gazeti, 1986.
Категория: Goşgular | Просмотров: 276 | Добавил: Haweran | Теги: Anna Gurtgeldiýew | Рейтинг: 0.0/0
Awtoryň başga makalalary

Goşgular bölümiň başga makalalary

Salam, Türkmenistan! / Goşgular - 01.01.2024
Gökdepäm / Goşgular - 22.03.2024
«Отвергнув гордое сомненье…» / Goşgular - 29.02.2024
Ýagyş damjasy / Goşgular - 24.03.2024
"Diýdiñ: Gelin bolup görkezeýinmi?.." / Goşgular - 14.02.2024
Ýolbars we Möjek / basnýa / Goşgular - 05.01.2024
Göreş / Goşgular - 11.02.2024
Atsyz goşgy / Goşgular - 31.01.2024
Estagfurullaly bentler / Goşgular - 14.02.2024
Hasap / Goşgular - 18.02.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]