Obam bilen hyýaly söhbet

OBAM BILEN HYÝALY SÖHBET

Ýaýlasyna kürsäp girip ýaşlygyň,
Eýýäm çagalygmy ýitirdim, obam!
Şol ýitgimi tapmak üçin goýnuňdan
Geçmişi hakyda getirdim, obam!

Duýgularmy kebelek deý ga:ýdyran,
Şemallar çalyp ýör çagalyk heňim.
Köçeleriň gursagyna seretsem,
Aýak yzlarymam bar eken meniň.

Ol yzlary ýagyşýagmyr ýuwmandyr,
Oňa kär etmändir wagtyň hökümi.
Ol yzlary görmek islese her kim
Çekmeli bor, şahyrlygyň ýüküni.

Ehh,
ýaşlygym, maňa beren baglaryň,

Güýz kysmaty billerini büküpdir.
Ýaşlygymda garşylaýan bu güýzüm,
Duýgularmy ýaprak kibi döküp dur.