Ömrüni galplyk bilen geçiren mollasumagyñ soñky demde aýdany

ÖMRÜNI GALPLYK BILEN GEÇIREN MOLLASUMAGYÑ SOÑKY DEMDE AÝDANY

Dem alman kynlaşyp kem-kem,
Geldi soñky pelläm meniñ.
Ölsem, mazaryma bägül,
Bitmejegi belläm meniñ.

Mydam pälim gara boldy,
Ak bolsa-da selläm meniñ.
Müñkür-Nekirden gorkyma,
Çatlap barýar kelläm meniñ.

Asly haramdan ýygyldy,
Mal-döwletim, gallam meniñ.
Sandygymda pullam meniñ,
Bendi günde tyllam meniñ.

Agramymdan altmyş esse
Agyr eden günäm meniñ.
Janym jesetden sogruljak,
Aladam o dünýäm meniñ

Ol gylsyrat köprüsinde
Atdyrma-da hallan meni,
Ahyretiñ azabyndan
Goraweri, Allam meniñ.

Torum ÝAÝLAN-BATAŞY.

"WATAN" gazeti, 22.06.1996 ý.