18:00 Özümi tapjak | |
ÖZÜMI TAPJAK
Goşlam ýene meni äkidip barýar, Aýnadakam öňkiler deý ylhamsyz. Ýol ugrunda terminaldan pul salyp, Seniň bilen söhbet etdim - ulgamsyz. Göwni görýänlerem geçmişde galdy, Degýänem ýok, öz-özüme degmesem. Adam bolup uçmak isläpdim, ýöne... Uçanoga guş diýenleň hemmesem. Giň dünýäniň bu şäheri dar maňa Göwräme seretsem - buda kontrast. (Meniň maňlaýdaş okyjylarmyňam, setirlerimiňem menden ireni rast.) Ýerinde ýok eken, bolmasa düýnem Ýüregimi ýoklajakdym dilleşip. Bu ýalança geleni-de köp juda, Heýkelin oturtmaň maňa meňzeşiň. Kölegämi gyrkyp öýde ýatyrjak, Beýnimi nyşanlap onlukdan atjak. Bedenimi ýakjak hindiler deýin, Hem ozal tapmadyk özümi tapjak. | |
|
√ Erjellik / Goşgular - 05.01.2024 |
√ "Bagşylara" / Goşgular - 07.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Soltan / Goşgular - 27.03.2024 |
√ Göreş / Goşgular - 11.02.2024 |
√ Owadan pyçak hakynda erteki / Goşgular - 09.04.2024 |
√ Was-wasylara... / Goşgular - 23.01.2024 |
√ Aldawçynyñ pañ-pañy / Goşgular - 18.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Ak buýnuzly ak maral / Goşgular - 01.01.2024 |