Päk asmanyň ýyldyzlary

PÄK ASMANYŇ ÝYLDYZLARY

Aý ýüzüniň ýaraşygy,
Päk asmanyň ýyldyzlary.
Gijäniň kümüş yşygy,
Päk asmanyň ýyldyzlary.

Joşýan kalbyň ylhamy siz,
Arzuwlaryň melhemi siz,
Gözelligiň nagmasy siz,
Pak asmanyň ýyldyzlary.

Agşam paýtagt yşyklary,
Ýanýar, siz dek keşpleri.
Duşurýaňyz aşyklary,
Päk asmanyň ýyldyzlary.

Bir-birine «göz gypyşar»
Göýä şirin söz tapyşar,
Gyzlar dek, näzli bakyşar,
Päk asmanyň ýyldyzlary.

Asman-Zeminiň durky siz,
Kalpda besläni her kesiň,
Gijäniň gözel görki siz,
Päk asmanyň ýyldyzlary.

Arşa tarap ak ýollarda,
Yşgyňyz bar ak güllerde,
Keşbiňiz bar ykballarda,
Päk asmanyň ýyldyzlary.

Didäm armaz, size bakyp,
Berýärsiňiz göze ýakym,
Ebedi nurana, bakyň,
Päk asmanyň ýyldyzlary.